
काठमाडौं : नेपाली सांगीतिक क्षेत्रमा युवा सर्जकहरु थपिने क्रम बढ्दो छ। कतिले निरन्तरता दिएका छन् त कोही निष्क्रिय पनि छन् । यस्तै, निरन्तर सक्रिय सर्जक हुन् सुनिल विसी।
छोटो समयमै जीवन्त अनि उत्कृष्ट गीत संगीत सृजना गर्न सक्ने अब्बल सर्जकको रुपमा चिनिएका सुनिलका हरेक गीतहरू लोकप्रिय छन् । सुगम संगीतम विशेष कलम चलाउन रुचाउने सुनिलका हरेक सृजनाले मन छुन्छन।
यसैबीच, उनकै एउटा नयाँ सृजना रिलिज भएको छ। आइतबार रिलिज “रुवाउने हजार” बोलको गीतमा लोकप्रिय गायक प्रमोद खरेलको सुमधुर आवाज रहेको छ। सुनिलले यस् गीतमा पनि अब्बल शब्द संगीत दिएका छन् । वियोगान्त प्रेमलाई सुनिलले गीतमा उतारेका छन् ।
जुन गीतलाई रिलिज भएको एकदम छोटो समयमै अत्याधिक रुचाइएको छ। रिलिज भएको २४ घण्टामा करिब १ लाख बढी भ्युज, ७ हजार बढी लाइक र हजार बढी सकारात्मक कमेन्ट गीतलाई युटुबमा मिलेको छ।
त्यस्तै, टिकटकमा पनि यस् गीतका विभिन्न अंशमा हजारौं भिडियोहरु बनेका छन् । यसरी छोटो समयमै गीतलाई दर्शक स्रोताले रुचाउँदा सर्जक सुनिल विसी मख्ख छन् ।
उसो त गीतको अडियो जति मन छुने छ, भिडियो झन उत्कृष्ट बनेको छ। भिडियोमा पछिल्लो समयका अब्बल मोडल बिक्रम बुढाथोकी र गीता ढुंगाना फिचर्ड छन् । गीता र बिक्रमको कारुणिक अभिनयले हेर्ने जोकोहीको मन भावुक गराउँछ।
गीता र बिक्रमका अलवा दिनेश गोर्खालीले पनि भिडियोमा अभिनय गरेका छन् । भिडियोको परिकल्पना तथा निर्देशन बिक्रम चौहानले गरेका हुन् । अजय रेग्मीले आकर्षक फ्रेममा खिचेको भिडियोलाई मिलन विश्वकर्माले सम्पादन गरेका हुन् । भिडियो सुनिल विसीको अफिसियल युटुब च्यानलबाट रिलिज गरिएको हो। हेर्नुस् भिडियो…