काठमाडौं : पछिल्लो समय युवा पुस्ताका अब्बल सर्जक हुन् ज्ञानेन्द्र गिरी। प्रेमिला गीत लेख्न र संगीत भर्न माहिर ज्ञानेन्द्रका सयौं गीत बजारमा छन् । दर्जनौं बढी गीतहरू दर्शक स्रोतामाझ लोकप्रिय छन् ।

मेलोडियस गीत सृजना गर्न रुचाउने ज्ञानेन्द्रका गीतहरू प्राय फिल्मी शैलीका हुने गर्छन् । प्रेम जोडीको कथालाई अलि बढी फोकस गरेर प्राय उनले गीत सृजना गर्नेगर्छन। यसैबीच, ज्ञानेन्द्रकै शब्द अनि संगीत रहेको नयाँ गीत रिलिज भएको छ।

शनिबार “नमस्ते प्लस” युटुब च्यानलबाट रिलिज भएको गीतमा लोकप्रिय गायिका मेलिना राई र नव गायक पबिन्द्र सुनारको सुमधुर आवाज रहेको छ। डान्सिङ प्याटर्नमा आधारित उक्त गीत एकदमै मेलोडियस छ। ज्ञानेन्द्रको शब्द अनि संगीत उत्कृष्ट छ। उसो त, मेलिना र पबिन्द्रको गायिकी मीठो सुनिएको छ। नेपाल लोकस्टारका प्रतिस्पर्धी समेत रहेका पबिन्द्रले यसै गीत मार्फत नेपाली सांगीतिक क्षेत्रमा डेव्यु समेत गरेका छन् । पबिन्द्रको यो पहिलो गीत हो।

गीत आफैमा जति दमदार छ, भिडियो पनि निकै आकर्षक बनेको छ। भिडियोमा पछिल्लो समयका लोकप्रिय नायक तथा मोडल पल शाह र प्रियणा आचार्यको आकर्षक नृत्य देख्न सकिन्छ। पल र प्रियणाको जोडी भिडियोना गजब देखिएको छ। इनर्जेटिक रुपमा पल र प्रियणा भिडियोमा फिचर्ड छन् ।

भिडियोका कोरियोग्राफर तथा निर्देशक राजिव समर हुन् । रामकान्त न्यौपानेको लगानी रहेको भिडियोलाई ज्ञानेन्द्र शर्माले आकर्षक फ्रेममा खिचेका छन् । सम्पादन एवम् कलर गर्ने काम नवीन निरौलाले गरेका छन् । हेर्नुस् भिडियो…