काठमाडौं : आरआर फिल्मस्को ब्यानरमा निर्माण भएको चलचित्र “कृष्ण लीला”को अफिसियल ट्रेलर रिलिज भएको छ। शुक्रबार साइराम पिक्चर्सको युटुब च्यानलबाट ट्रेलर रिलिज भएको हो। चलचित्रका नायक पुष्प खड्का र नायिका श्रद्धा क्षेत्रीलाई ट्रेलरमा विशेष प्राथमिकका साथ देखइएको छ।

प्रेमिल प्रेम सम्वन्ध, कमेडी अनि प्रेम सम्वन्धमा आउने बाधाहरुलाई ट्रेलरमा देखाइएको छ। ट्रेलर हेर्दा चलचित्र प्रेम सम्बन्ध र कमेडी जनरामा आधारित रहेको अनुमान लगाउन सकिन्छ। ट्रेलरमा कलाकार बुद्धि तामाङ , रबिन्द्र झा लगायतका कलाकारहरुलाई पनि देखाइएको छ।

त्यसो त, एउटा सुष्ममनस्थितीको क्यारेक्टर पुष्पले चलचित्र निभाएको कुरा ट्रेलरबाट प्रष्ट हुनेगर्छ। उता श्रद्धाको अभिनय पनि ट्रेलरमा गजब देखिएको छ।

पुर्व नेपाल इलाम, झापा पाँचथर लगायतका विभिन्न स्थानहरूमा छायांकन गरिएको चलचित्रलाई दिपक ओलीले निर्देशन गरेका हुन् । चलचित्रमा पुष्प र श्रद्धालाई प्रमुख भुमिकामा देख्न पाइनेछ । रोहित कट्टेलको प्रस्तुति तथा रत्न श्रेष्ठ कार्यकारी निर्माता रहेको ‘कृष्ण लीला’को निर्मातामा प्रकाश कार्की र केवल तामाङ छन् ।

लक्ष्मण सुवेदीले चलचित्रको कथा लेखेका हुन् । चलचित्रमा श्रद्धा र पुष्पका अलवा रबिन्द्र झा, बुद्धि तामाङ , भावना गुरुङ लगायतका कलाकारहरुको पनि अभिनय रहेको बताइएको छ। चलचित्र आगामी चैत्र २७ मा देशभर प्रदर्शन हुने निर्माण टिमले जनाएको छ। चलचित्रलाई दर्शकले कत्तिको रुचाउने हुन् त्यो त प्रदर्शन मिति नै कुर्नुपर्ने हुन्छ। हेर्नुस् ट्रेलर…