काठमाडौं : पछिल्लो समय मीठो आवाजका कारण दर्शक स्रोताको मनमा बस्न सफल गायक हुन् शनि विश्वकर्मा । लोकदोहोरी क्षेत्रकै ठूलो र पहिलो गायन रियालिटी शो “नेपाल लोकस्टार”का विजेता समेत रहेका शनि संख्यात्मक भन्दा पनि गुणात्मक काम गर्न रुचाउँछन् ।

झुम्का झलकै गीतबाट लोकप्रिय बनेका शनिले करिब दर्जन बढी गीतमा आवाज दिइसकेका छन् । यसैबीच, शनिको आवाज रहेको एउटा नयाँ गीत रिलिज भएको छ। शुक्रबार रिलिज “ज्यानकै सत्यानाश” बोलको गीतमा शनिको सुमधुर आवाज रहेको छ। शनिसंगै बिमता घर्तीमगरको पनि आवाज गीतमा सुन्न सकिन्छ।

बिमता पनि विगत लामोसमयदेखि सांगीतिक क्षेत्रमा सक्रिय छिन् । गायनसंगै मोडलिङ यात्रालाई अगाडि बढाइरहेकी बिमताले लामो समयको अन्तराल पछि यो गीतमा आवाज दिएकी हुन् । गीतमा लोकप्रिय सर्जक शिव हमालको शब्द तथा संगीत रहेको छ।

डान्सिङ प्याटर्नमा आधारित उक्त गीतको अडियो दमदार छ। शनि र बिमताको गायिकी पनि गीतमा मीठो सुनिएको छ। बजारमा आइरहेका गीतहरू मध्ये यो गीत पृथक बनेको छ।

गीतको अडियो जति अब्बल छ, भिडियो झन आकर्षक बनेको छ। भिडियोमा शनि र बिमताले आकर्षक नृत्य गरेका छन् । शनि र बिमताला अलवा विजय पुन, शोभा थापा र तेन्जिन बोहराको नृत्य भिडियोमा रहेको छ।

भिडियोलाई कमल परियारले निर्देशन गरेका हुन् । सौरभ लामा भिडियोका सिनेम्याटोग्राफर हुन् । भिडियोलाई सम्पादन गर्ने काम अर्जुन जिसीले गरेका छन् । भिडियो बिमता घर्तीमगरको अफिसियल युटुब च्यानलबाट रिलिज भएको हो। हेर्नुस् भिडियो…