
काठमाडौं : पछिल्लो समय म्युजिक अवार्डहरुको आयोजना गर्ने क्रम ह्वात्तै बढेको छ। कतिपय त थाहा नभई सकिएको पाइएको छ भने कतिपय अवार्ड ठुलै कार्यक्रमकाबीच हुने गरेका छन् ।
यसैबीच, भव्य कार्यक्रमकाबीच आज “इन्टरनेशनल इन्टरटेन्मेन्ट अवार्ड २०२१” सम्पन्न भएको छ। काठमाडौंमा सम्पन्न उक्त अवार्डमा धेरै कलाकारहरु सम्मानित भए। त्यस्तै, उत्कृष्ट गायकको रुपमा अवार्ड सहित सम्मानित हुने एक गायक हुन् सम्राट चौलागाईं ।
पछिल्लो समयका निकै लोकप्रिय गायकको रुपमा चिनिएका सम्राटलाई “सम्झिने पनि छम्किने” गीतबाट वर्षको उत्कृष्ट गायकको अवार्ड मिलेको हो। जुन गीत पछिल्लो समय निकै रुचाइएको छ। गीत टिकटक, युटुबदेखि लिएर सर्वत्र चर्चाको शिखरमा छ।
चर्चाकै कुरा गर्नुपर्दा हाल युटुबको ट्रेन्डिङ लिस्टमा पनि उक्त गीत छ। गीतमा सम्राटकै शब्द, संगीत अनि आवाज रहेको छ। गायनमा रचना रिमालले उनलाई साथ दिएकी छिन् । यसरी छ्टो समयमा गीतलाई रुचाइदिएर अवार्ड पाउँदा सम्राट मख्ख छन् । यो सांगीतिक जीवनकै पहिलो अवार्ड भएको सम्राटले फिल्मीपत्रलाई जानकारी दिए।