
काठमाडौं : छोटो समयमै अत्याधिक दर्शक स्रोताको माया पाउन सफल भएको गीत हो फोटो फिरिममा। मेल र फिमेल दुबै भर्सनमा आएको उक्त गीतलाई करोडौं बढी भ्युज युटुबमा मिलेको छ।
मेल भर्सनमा प्रताप दास र फिमेल भर्सनमा रचना रिमालको आवाज रहेको उक्त गीतका सर्जक लोकप्रिय संचारकर्मी तथा समाजसेवी शिशिर भण्डारी हुन् ।
संचारकर्म संगै अब्बल अभिनयका कारण धेरैको मनमा बस्न सफल शिशिरले अब “फोटो फिरिममा”को दोस्रो भाग ल्याउने भएका छन् । दर्शक स्रोताको पार्ट २ हेर्ने अत्याधिक चाहाना भएकोले आगामी नयाँ वर्ष बैशाख २ गते “फोटो फिरिममा २” ल्याउने योजना रहेको शिशिर बताउँछन् ।
उनले आइतबार आफ्नो जन्मदिनको अवसर पारेर “फोटो फिरिममा २”को रिलिज मिति सार्वजनिक गरेका हुन् । यद्यपि भाग २ मा कस्को आवाज रहने हो त्यो भने उनले खुलाएका छैनन् । एउटा पोष्टर मार्फत रिलिज मिति घोषणा गरेका शिशिरले पहिलेको भन्दा उत्कृष्ट बनाउने कोसिस गरेका बताए। भाग २ मा पनि शिशिरकै शब्द संगीत रहनेछ।
