नेपालगन्ज : त्यसो त पछिल्लो केही वर्षयता नेपालगमा सौर्न्दर्य (मेकअप) स्टुडियोहरु सन्चालनमा आउने क्रम बढ्दो छ। धेरै युवा युवतीहरूले यसै सौर्न्दर्य क्षेत्रलाई आफ्नो पेसा समेत बनाएका छन् । पहिलेका वर्षहरु भन्दा आजभोलि सौर्न्दर्य स्टुडियोको माग बढ्दो छ।

यसैबीच, नेपालगन्जमा पनि अर्को नयाँ मेकअप स्टुडियो थपिएको छ। अझ भनौं सन्चालनमा आएको छ। सोमबार नारी दिवसको अवसर पारेर “आशु मेकअप स्टुडियो एण्ड ट्रेनिङ सेन्टर”को नेपालगन्जमा उद्घाटन गरिएको हो।

पुर्व मिस नेपालगन्ज सुमन थापाले उक्त मेकअप स्टुडियोको रिबन काटेर उद्घाटन गरेकी हुन् । उद्घाटन पश्चात् सुमनले उक्त मेकअप स्टुडियोको भिजिट एवम् सामानहरु प्रयोग समेत गरेकी थिइन् ।

”उनले सौर्न्दर्य आफैमा नराम्रो होइन”, सुमनले उद्घाटन पश्चात् भनिन् ,”बाहिर गलत बुझाई फैलिएकोले सौर्न्दर्यलाई सकारात्मक तवरले लिनुपर्छ । नेपालगन्जका विभिन्न सौर्न्दर्य स्टुडियोको मैले उद्घाटन गरिसकेको छु। यस् आशु मेकअप स्टुडियोले पनि सौर्न्दर्य पारखीमाझ नयाँ आयाम ल्याउने कुरामा म विश्वस्त छु।”

नेपालगन्जको पुर्वी रोडमा संचालित उक्त मेकअक स्टुडियोकि संचालक राधिका ढुंगाना हुन् । करिब ८ वर्षसम्म यसैक्षेत्रमा गरेको अध्ययन एवम् अनुभव पश्चात् आफ्नै स्टुडियो संचालनमा ल्याएको राधिकाले बताइन् ।