काठमाडौं : भ्यालेन्टाइ अर्थात् प्रेम दिवसलाई लक्षित गरेर धेरै नयाँ गीतहरू रिलिज भइरहेका छन् । अरु समयमा अन्य प्याटर्नका गीतहरू सृजना गर्ने सर्जकले पनि यो बेला प्रेम दिवसलाई लक्षित गर्दै प्रेमिल सृजना गर्ने गर्छन् ।

यस्तै, प्रेम जोडीको प्रेमिल कथालाई आफ्नो सृजनामा उतार्न खप्पिस युवा सर्जक हुन् ज्ञानेन्द्र गिरी। कार्टुन क्रु अभिनित “आधी भयो” बोलको गीत जस्ता दर्जनौं बढी लोकप्रिय गीत दर्शक स्रोतामाझ दिइसकेका ज्ञानेन्द्र सदैव प्रेमिल गीतहरू सृजना गर्न रुचाउँछन् ।

यसैबीच, यस् वर्षको प्रेम दिवसलाई लक्षित गर्दै उनको संगीत सृजनामा रहेको एउटा नयाँ गीत रिलिज भएको छ। शनिबार रिलिज “चन्दा” बोलको गीतमा उनको मेलोडियस संगीत सुन्न सकिन्छ। गीतमा लोकप्रिय गायिका अन्जु पन्त र सुरज श्रेष्ठको सुमधुर आवाज रहेको छ। गीतको शब्द प्रीन्सपन कार्कीले लेखेका हुन् ।

गीतको अडियो एकदमै मेलोडियस छ। गीत सुन्दा कुनै फिल्मको गीत हो कि जस्तो आभाष हुने गर्छ। गीतको अडियो जति उत्कृष्ट छ, भिडियो पनि त्यतिकै आकर्षक बनेको छ।

भिडियोमा श्रेया सिटौला र प्रीन्सपन कार्की फिचर्ड छन् । फिल्मी शैलीमा निर्माण गरिएको उक्त भिडियोमा श्रेया र प्रीन्सपनको केमिस्ट्री गजबको देखिएको छ।

लोकेशन, भिडियो खिचाइ एकदम उत्कृष्ट छ। भिडियोको निर्देशन पनि प्रीन्सपनले नै गरेका हुन् । नरेश अयरले आकर्षक फ्रेममा खिचेको भिडियोलाई नवीन निरौलाले सम्पादन गरेका हुन् । भिडियो प्रीसन्सा हाउसको अफिसियल युटुब च्यानलबाट रिलिज गरिएको हो। हेर्नुस् भिडियो…