काठमाडौं : युवायुवतीको लागि प्रमुख आकर्षण अनि पर्खाइको रुपमा रहने दिन हो प्रेम दिवस अर्थात् प्रणय दिवस। बाहिरी देशसंगै नेपालमा पनि युवाजमातले पछिल्लो समय प्रेम दिवसलाई विशेष महत्त्व दिँदै आएको पाइन्छ।

फेब्रुअरी १४ का दिन मनाइने यो दिवस आउन अझैं केही दिन बाँकी छ। उसो त, यसै दिवसका लागि धेरै प्रेमिल जोडीहरुले आ-आफ्नो योजना बनाउँदै गरेका पनि होलान् । त्यस्तै, नेपाली सर्जकहरुले पनि यो वर्षको प्रेम दिवसलाई लक्षित गरेर प्रेमिल गीतहरू , म्युजिक भिडियोहरु बजारमा रिलिज गरिरहेका छन् ।

यसैबीच, प्रेमिल सृजना गर्न अनि गाउन सिपालु सर्जक लेखु सहयात्रीले पनि यो वर्षको भ्यालेन्टाइनलाई लक्षित गर्दै एउटा नयाँ प्रेमिल गीत रिलिज गरेका छन् । शनिबार रिलिज “यादै रहेन” बोलको गीत उनले आफ्नै “लेखु सहयात्री” नामक युटुब च्यालबाट रिलिज गरेका हुन् ।

गीतमा शब्द, संगीत अनि सुमधुर आवाज लेखुकै रहेको छ। एक प्रेमिल जोडीको प्रेम कथालाई लेखुले गीतमा उतारेका छन् । साँच्चिकै गीत सुन्दा एकदम आनन्द आउने गर्छ। प्रायजसो गीत लेखनमा बढी सक्रिय हुने लेखु , गीत पनि निकै मीठो गाउछन। जुन कुरा यो गीत सुन्दा प्रमाणित हुने गर्छ। गीतमा लेखुको गायिकी निकै मीठो सुनिएको छ।

वास्तवमै यो वर्षको भ्यालेन्टाइनमा धेरै प्रेम जोडीले आफ्नो प्रेम कथासंग यो गीतलाई दाँज्नेछन। यसै गीतका शब्दहरू , संगीत अनि गायिकीमा रमाउनेछन। गीतको अडियो एकदमै मेलोडियस छ।

लेखुले गीतको लिरिकल भिडियो बनाएर आफ्नै युटुबमा अपलोड गरेका हुन् । व्यवसायीक हिसावले भन्दा पनि चोखो प्रेम गर्ने प्रेमिल प्रेम जोडीहरुको लागि समर्पित गर्दै आत्मसन्तुष्टिका लागि यो गीतको निर्माण गरेको लेखु बताउँछन् ।

उसो त, व्यवसायीक रुपले लेखुले लेखेका तिम्रो पिक्चर हिट, फोटो खिचेर, जनम जनम लगायत दर्जनौं बढी गीतहरू दर्शक स्रोतामाझ लोकप्रिय छन् ।