काठमाडौं : नेपाली सांगीतिक क्षेत्रमा पछिल्लो समय मौलिक गीतहरू सार्वजनिक हुने क्रम बढ्दो छ। मौलिक गीतहरूलाई दर्शक स्रोताले रुचाइपनी रहेका छन् ।

यसैबीच, पछिल्लो समय बजारमा आएका मौलिक गीतहरू मध्ये दर्शक स्रोताले छोटो समयमै अत्याधिक रुचाएको गीत हो पछ्यौरी लिस्यो। जुन गीत बजारमा सार्बजनिक भएको १ महिना भित्रै युटुबको करोड क्लबमा प्रवेश गरेको छ।

एकदमै मेलोडियस अनि मौलिक शैलीमा आधारित उक्त गीतमा लोकप्रिय गायक अर्जुन सापकोटा , रबिन लामिछाने र समीक्षा अधिकारीको सुमधुर आवाज रहेको छ। गीतमा अर्जुनले नै संगीत भरेका हुन् ।भने, रबिनले शब्द लेखेका हुन् । गाउँघरका सरल शब्दहरुलाई रबिनले गीतमा प्रस्तुत गरेका छन् । उसो त, अर्जुनले पनि लोकगीत सुन्ने जोकोही स्रोताले सजिलै गुनगुनाउन सक्ने तरिकाले गीतको मेलोडी बनाएका छन् ।

ठकुरी समुदायमा बोलिने भाषालाई कलात्मक शैलीमा गीतमा प्रयोग गरिएको छ। गाउँ घरको झल्को मेटाउने उक्त गीतलाई दर्शक स्रोताले असाध्यै राम्रो अनि सकारात्मक प्रतिक्रिया दिए। यो समाचार तयार पार्दासम्म गीतलाई करोड बढी भ्युज, १ लाख बढी लाइक र ३ हजार बढी सकारात्मक कमेन्टस युटुबमा मिलेको छ।

गीतको अडियोसंगै भिडियो पनि आकर्षक भएको भएर हुन सक्छ छोटो समयमै दर्शकले धेरै रुचाइदिएको। गीतको भाव अनुसार भिडियो पनि सामान्य छ। भिडियोमा मोडल बिमल अधिकारी, अन्जली अधिकारी , अर्जुन सापकोटा , रबिन लामिछाने , कृष्ण जोसी लगायतलाई देख्न सकिन्छ।

परिवारसंग बसेर हेर्न सकिने उक्त भिडियोका निर्देशक काजिस श्रेष्ठ हुन् । भिडियोलाई अजय रेग्मीले खिचेका हुन् ।भने सम्पादन गर्ने काम दिपक विष्टले गरेका हुन् । भावना म्युजिक सोलुसनको अफिसियल युटुब च्यानलबाट गीत रिलिज गरिएको थियो।

छोटो समयमै गीत करोड क्लबमा प्रवेश गरेपछि निर्माण टिम यतिबेला निकै हर्षित छ। विशेषगरी यस् गीतका गायक एवम् संगीतकार अर्जुन सापकोटा धेरै खुसी छन् । किनकी उनले गाएको र संगीत भरेको यो गीत करोड क्लबमा पर्ने पहिलो गीत हो। उसो त भावना म्युजिक सोलुसनबाट बजारमा आएका गीतहरू मध्ये पनि करोड क्लबमा पर्ने गीत यो नै पहिलो हो।