नेपालगन्ज : नेपाली सांगीतिक क्षेत्रमा आफ्नो फरक पहिचानका निमित्त निरन्तर लागिपरेका गायक हुन् युवराज थापा। उनी गीत मात्रै गाउदैनन, मीठो शब्द अनि संगीत पनि सृजना गर्नेगर्छन।

उनको आवाज अनि सृजना रहेका दर्जन बढी गीतहरू बजारमा रहेका छन् । यसैबीच, उनले आफ्नै शब्द अनि संगीत सृजनामा एउटा नयाँ गीत बजारमा ल्याएका छन् । “इन्टरनेश्नल माया” बोलको गीत शुक्रबार उनले आफ्नै युवराज थापा नामक युटुब च्यानलबाट रिलिज गरेका हुन् ।

डान्सिङ प्याटर्नमा आधारित गीतमा लोकप्रिय गायिका रिता केसीको धमाकेदार आवाज सुन्न सकिन्छ। रितासंगै युवराजको पनि गीतमा आवाज रहेको छ। गीतको अडियो एकदमै दमदार छ।

गीतको अडियोसंगै भिडियो पनि आकर्षक बनेको छ। भिडियोमा ललित थापा र वियोतिशा दहित फिचर्ड छन् । उनीहरुको धमाकेदार डान्स भिडियोमा देख्न सकिन्छ। भिडियोलाई नेपालगन्जका विभिन्न स्थानहरुमा आकर्षक फ्रेममा खिचिएको छ।

भिडियोको परिकल्पना तथा निर्देशन नवराज सुवेदीले गरेका हुन् । सिमित साधन स्रोतका बाबजुद पनि निर्माण गरिएको भिडियोमा नवराजको निर्देशकिय पाटो तारिफयोग्य छ। रामु चौधरीले भिडियो छायांकन एवम् सम्पादन गरेका हुन् । हेर्नुस् भिडियो..