काठमाडौं : नेपाली म्युजिकल मार्केटमा एउटा पृथक गीत रिलिज भएको छ। केही दिन अघि रिलिज “चर्चा चल्दिरा” बोलको गीत यतिबेला बजारमा छ। जुन गीत पछिल्लो समय बजारमा आइरहेका गीतहरू भन्दा केही फरक स्वादमा छ।

माया प्रेममा आधारित उक्त गीतका गायक नवराज कलौनी हुन् । उनलाई गायनमा एलिना चौहानले पनि साथ दिएकी छिन् । नेपाली सांगीतिक क्षेत्रमा एउटा छुट्टै पहिचान बनाइसकेका उनी गायक मात्रै नभएर एउटा अब्बल सर्जक पनि हुन् । यस् गीतमा कलौनीले नै उत्कृष्ट शब्द अनि संगीत सृजना गरेका छन् ।

डान्सिङ प्याटर्न अनि मेलोडियस गीतको अडियो उत्कृष्ट छ। अडियो संगै भिडियो पनि आकर्षक बनाइएको छ। भिडियोमा टिकटकबाट लोकप्रिय हुन सफल जुम्ल्याहा दिदीबहिनी स्मारिका र सामारिका ढकालको गजब डान्स देख्न सकिन्छ। स्मारिका-सामारिकासंगै सिवेश सुनार र स्वप्निल खड्का पनि भिडियोमा फिचर्ड छन् ।

भिडियोलाई कोरियोग्राफी एवम् निर्देशन बिक्रम चौहानले गरेका हुन् । अजय रेग्मीले आकर्षक फ्रेममा खिचेको भिडियो सम्पानद एवम् कलर गर्ने काम मिलन विश्वकर्माले गरेका छन् । भिडियो नवराज कलौनीकै अफिसियल युटुब च्यानलबाट रिलिज गरिएको हो। हेर्नुस् भिडियो…