काठमाडौं : लोकप्रिय संगीतकार तथा र्यापर राजेन्द्र भट्ट (मिस्टर आर्जे)को बहुप्ररिक्षित नयाँ सृजना रिलिज गरिएको छ। सोमबार रिलिज “माकुरी” बोलको गीतमा आर्जेकै उत्कृष्ट संगीत अनि नवराज कलौनीको शब्द सृजना रहेको छ।
गीतमा लोकप्रिय गायक समीर आचार्य र रोशनी थापाले सुमधुर आवाज दिएका छन् । डान्सिङ प्याटर्नमा आधारित गीतमा आर्जेको र्याप सुन्न सकिन्छ। गीतको अडियो एकदम दमदार सुनिएको छ।
गीतको अडियोसंगै भिडियो पनि आकर्षक बनेको छ। चर्चित अनुहारलाई भिडियोमा देख्न सकिन्छ। भिडियोमा लोकप्रिय कलाकार हरि निरौला (कक्रोज), एलिस राई, जिवेश गुरुङ , उषा उप्रेती र स्मारिका-सामारिका ढकाल फिचर्ड छन् । उनीहरूले धमाकेदार डान्स भिडियोमा प्रस्तुत गरेका छन् ।
भिडियोलाई व्यस्त अनि चर्चित निर्देशक बिधान कार्कीले निर्देशन गरेका हुन् । सुरेन्द्र वस्यालले भिडियोको कोरियोग्राफी गरेका हुन् । हरि हुमागाइँले आकर्षक फ्रेममा खिचेको भिडियोलाई विकाश धमलाले सम्पादन गरेका हुन् । भिडियो मिस्टर आर्जेको अफिसियल युटुब च्यानलबाट रिलिज गरिएको हो। हेर्नुस् भिडियो..
