काठमाडौं : बिपी फिल्म्स नेपालको सहकार्यमा नेपाली चलचित्र क्षेत्रकी लोकप्रिय नायिका केकी अधिकारी र सर्जक तथा गायक प्रकाश सपूत अभिनित नयाँ म्युजिक भिडियो रिलिज भएको छ।
बिहिवार रिलिज “माया बोलेको” बोलको म्युजिक भिडियोमा प्रकाश र केकीले आकर्षक नृत्य गरेका छन् । उनीहरूको जोडी पनि गजब देखिएको छ। पछिल्लो केही महिनायता प्रकाश र केकीको सहकार्य एकदमै फापेको देखिन्छ। यो म्युजिक भिडियोले पनि दर्शकको राम्रो साथ पाउने अपेक्षा गरिएको छ।
जुना श्रीष मगर र बिमल सुनारको सुमधुर आवाज गीतमा रहेको छ। रमेश परियारले गीतको शब्द लेखेका हुन् ।भने ईश्वर सिंहले संगीत दिएका छन् ।
मेलोडियस अनि डान्सिङ प्याटर्नमा आधारित गीतको भिडियोलाई मौसम हिमालीले कोरियोग्राफी एवम् निर्देशन गरेका हुन् । बिपी फिल्म्स नेपालमा पोस्ट प्रोडक्सनको काम गरिएको भिडियोलाई नवराज उप्रेतीले आकर्षक फ्रेममा खिचेका छन् ।
भिडियोको सम्पादन एवम् कलरिङ गर्ने काम प्रबिन भट्टले गरेका हुन् । भिडियो “ट्युन अन पिक्चर्स” नामक युटुब च्यानलबाट रिलिज गरिएको हो। हेर्नुस् भिडियो..
