काठमाडौं : फिस्टेल मुभिजको ब्यानरमा निर्मित चलचित्र ‘एउटा यस्तो प्रेम कहानी’ भोलि बिहीबारदेखि देशभर प्रदर्शन हुनेभएको छ। लकडाउनपछि रिलिज हुने यो पहिलो नयाँ चलचित्र हो।
प्रेम कथा र एक्सनमा आधारित यो चलचित्रलाई दिपेश सापकोटाले निर्देशन गरेका हुन्। चलचित्रमा अभिनेता शिव श्रेष्ठ र नायिका प्रियंका कार्कीको मुख्य भुमिका रहेको छ।
चलचित्रमा शिव र प्रियंकका अलवा कविता मानन्धर , शक्ति श्रेष्ठ ,आयुष्मान देशराज जोशी, वर्षा राउत, संजोग कोइराला, बसुन्धरा भुषाल, मिथिला शर्मा लगायतका कलाकारको पनि अभिनय रहेको छ ।
अभिनेत्री करिश्मा मानन्धरकि पुत्री कविता मानन्धर र अभिनेता शिव श्रेष्ठका पुत्र समेत रहेका शक्ति श्रेष्ठ यसै चलचित्र मार्फत चलचित्र नगरिमा डेव्यु गर्दैछन् ।आफ्नो डेव्यु चलचित्रलाई लिएर उनीहरू उत्साहित पनि छन् ।
चलचित्रका निर्माता यसोधा राई र दिनेश दर्शन धारी हुन्। यो चलचित्र हलवालाहरु र दर्शकहरुको प्रतिक्षित चलचित्र हो । यो चलचित्रले हलमा एक किसिमको माहोल बनाउने पनि अपेक्षा गरिएको छ।
