काठमाडौं : नेपाली चलचित्र क्षेत्रमा जीवन्त अभिनय गर्ने कलाकारको रुपमा चिनिने अभिनेत्री हुन् ऋचा शर्मा। संख्यात्मक भन्दा गुणात्मक चलचित्रमा काम गर्न रुचाउने उनी पछिल्लो समय चलचित्र निर्माणमा पनि होमिएकी छिन् ।
चलचित्र ‘सुनकेशरी’ निर्माण गरिसकेकी उनले नयाँ चलचित्र ‘कौसीद’ बनाउने घोषणा गरेकी छिन् । बैंकबाट ऋण लिनेहरुका कथामा उक्त चलचित्र निर्माण हुने बताइएको छ। चलचित्रलाई कुमार भाष्करले निर्देशन गर्दै छन् ।
चलचित्रमा ऋचा शर्मा र भोलाराज सापकोटाको प्रमुख भुमिका रहनेछ। नव विजय प्रकाश श्रेष्ठ र धिर्जन थपलियाले चलचित्रको कथा लेखेका हुन् । चलचित्रमा केदार भूषाल निर्माताको रुपमा रहेका छन् ।भने लक्ष्मण बानियाँ, सह निर्माता र दिमेश श्रेष्ठ कार्यकारी निर्माताको रहेको निर्माण टिमले जनाएको छ।
