काठमाडौं : पछिल्लो समय अत्यन्तै व्यस्त र सफल गायिका समीक्षा अधिकारीको आवाजमा नयाँ गीत रिलिज भएको छ। रिलिज भएको “झुम्का किन्दिमकी” बोलको गीतमा समिक्षाका अलवा प्रकाश छेत्रीको पनि सुमधुर आवाज रहेको छ। गीतमा प्रदीप अधिकारीको संगीत अनि प्रदीप र रबिन लामिछानेको शब्द सुन्न सकिन्छ।

पछिल्लो समय बजारमा आइरहेका गीतहरू मध्ये यो गीत पृथक अनि मेलोडियस छ। गीतको अडियो उत्कृष्ट छ। गीतमा समिक्षाका साथै प्रकाशको गायिकी पनि मेलोडियस छ। सुन्ने जोकोहीको मन अडियोले जित्ने गर्छ।

गीतको अडियोसंगै भिडियो पनि आकर्षक बनेको छ। भिडियो निर्माणमा निर्माण टिमले निकै मिहेनत गरेको छ। भिडियोमा लोकप्रिय नायक पल शाह र मोडल जुना सुन्दास फिचर्ड छन् । पल र जुनाको आकर्षक नृत्य भिडियोमा देख्न सकिन्छ। पल र जुनाका अलवा एल्भिना खड्का, लक्ष्मी तिमिल्सिना , हेरुका लामा, मनोज बिक र सुष्मा थापा पनि भिडियोमा रहेका छन् ।

भिडियोलाई दिपेन्द्र तिमिल्सिनाले निर्देशन गरेका हुन् । भिडियोमा दिपेन्द्रकै कोरियोग्राफी रहेको छ।नवराज उप्रेतीले आकर्षक फ्रेममा खिचेको भिडियोलाई मनोज कार्कीले सम्पादन गरेका हुन् । भिडियो प्रदिप अधिकारीको अफिसियल युटुब च्यानलबाट रिलिज गरिएको हो। हेर्नुस् भिडियो..