
काठमाडौं : पछिल्लो समय नेपाली सांगीतिक क्षेत्रमा व्यस्त गायिकाको रुपमा चिनिने गायिका हुन् रचना रिमाल। दिनहुुँ गीत रेकर्डिङमा व्यस्त हुने उनका छोटो समयमै दर्जनौं बढी गीतहरू बजारमा आइसकेका छन् । जसमध्ये अधिकांश गीतहरू लोकप्रिय बनेका छन् ।।
यसैबीच, रचनाकै आवाज रहेको नयाँ गीत रिलिज भएको छ। बुधबार रिलिज भएको “पारै मिलेन” बोलको गीतमा रचनाका अलवा निशान भट्टराईको पनि आवाज रहेको छ। डान्सिङ प्याटर्नको गीतमा डिपी खनालको शब्द र शंकर थापा स्माइलको संगीत रहेको छ। गीतको अडियो निकै धमाकेदार बनेको छ।
गीतको अडियोसंगै भिडियो पनि एकदम आकर्षक बनेको छ। भिडियोमा लोकप्रिय नायक पल शाह, एलिश राई र दीपा -दमान्ता श्रेष्ठको धमाकेदार नृत्य देख्न सकिन्छ। भिडियोलाई विधान कार्कीले निर्देशन गरेका हुन् ।
भिडियोका कोरियोग्राफर सुरेन्द्र बसेल हुन् । उत्सव दाहालले भिडियोलाई आकर्षक फ्रेममा खिचेका छन् । त्यस्तै, भिडियो सम्पादन विकाश दाहालले गरेका छन् । भिडियो दामी टिभीको अफिसियल युटुव च्यानलबाट रिलिज गरिएको हो। हेर्नुस् भिडियो..