काठमाडौं : युवा पुस्तामाझ अब्बल सर्जकको रुपमा चिनिने सर्जक हुन् ज्ञानेन्द्र गिरी। प्राय पृथक गीत संगीत सृजना गर्न रुचाउने ज्ञानेन्द्रका दर्जनौं गीतहरु लोकप्रिय छन् ।

यसैबीच, उनकै संगीत सृजना रहेको पछिल्लो गीत “माया लाउन म संग” यतिबेला बजारमा छ। केही दिन अघि मात्रै रिलिज भएको गीतमा ज्ञानेन्द्रले फरक संगीत दिने कोसिस गरेका छन् । गीतमा विशाल निरौला र रचना रिमालको सुमधुर आवाज रहेको छ। केशव बैरागी माइलोका शब्द गीतमा सुन्न सकिन्छ।

सधै जसो मेलोडियस संगीत सृजना गर्ने ज्ञानेन्द्रले यस् पटक भने डानसिङ प्याटर्नको संगीत सृजना गरेका छन् । गीतलाई रिलिज भएको छोटो समयमै दर्शक स्रोताले युटुबमा एकदम रुचाएका छन् । पाँच दिनको अन्तरालमा ५ लाख बढी भ्युज, २७ हजार बढी लाइक्स र १ हजार बढी सकारात्मक कमेन्ट गीतले पाएको छ।

गीत एकदमै धमाकेदार रहेको छ। भिडियो पनि आकर्षक बनेको छ। भिडियोमा लोकप्रिय नायक पल शाह र स्मारिका -सामारिका ढकालको डान्स देख्न सकिन्छ । भिडियोलाई मुस्कान ढकालले निर्देशन गरेका हुन् । उत्सव दाहालले आकर्षक फ्रेममा खिचेको भिडियोलाई विकाश दाहालले सम्पादन गरेका हुन् । हेर्नुस् भिडियो..