काठमाडौं : मेलोडियस गीत संगीत सृजना गर्न अनि गाउन रुचाउने लोकप्रिय गायक हुन् सुनिल गिरी। गाउँ घरका मौलिक कुराहरुलाई प्राय आफ्ना गीत संगीतमा कलात्मक शैलीमा उतार्न सक्ने खुबी भएका सुनिलका दर्जनौं बढी मेलोडियस गीतहरू दर्शक स्रोतामाझ लोकप्रिय छन् ।

यसैबीच, सुनिलले फेरि अर्को मौलिक मेलोडियस गीत रिलिज गरेका छन् । मंगलबार रिलिज “दिउँला माया तिमीलाई” बोलको कौरा गीतमा सुनिल र मेलिना राइको सुमधुर आवाज रहेको छ। गीतमा सुनिलकै शब्द अनि संगीत संकलन रहेको छ। मगर समुदायको निकै नै प्रचलित मौलिक कौरा संगीतलाई कलात्मक शैलीमा गीतमा प्रस्तुत गरेका छन् ।

गीतका शब्द एकदम प्रेमिल छन् । गीतको अडियो निकै मेलोडियस छ। सुन्दा जोकोहीलाई आनन्द आउँछ। उसो त सुनिलले यस् भन्दा अधि मौलिक कौरा गीत “सोल्टिनी भनी बोलाको” गीत बजारमा ल्याएका थिए। जुन गीत अत्याधिक लोकप्रिय बन्यो। यसै गीतको भाग २ “दिउँला माया तिमीलाई” गीत भएको सुनिल बताउँछन् ।

गीतको अडियोले जति मन तान्छ, भिडियोले झन बढी आकर्षित पार्ने गर्छ। ग्रामीण परिवेशमा हुर्केका युवायुवती बीचको प्रेम सम्बन्ध सफल भइ विवाहमा परिणत भएको कथालाई भिडियोमा उत्कृष्ट तरिकाले देखाइएको छ। भिडियोमा सुनिल र उर्मिला गुरुङलाई जोडीको रुपमा देख्न सकिन्छ।

पहिलो भाग “सोल्टिनी भनी बोलाको” भिडियोमा सुनिल र उर्मिलाको प्रेम सम्बन्ध घर परिवारले स्वीकार नगरेपछि भागेर प्रेम विवाह गरेका उनीहरू एक वर्षपछि गाउँ फर्किएको कथा यस् भाग २ को भिडियोमा देख्न सकिन्छ। उर्मीला र सुनिलको जोडी पनि गजब देखिएको छ।

भिडियोमा मौलिक कौरा संस्कृतिको भेषभुषालाई पनि देखाइएको छ। उसो त सुनिल मौलिकतालाई गीत संगीत मार्फत झल्काउन लागि पर्नु पर्छ भन्ने पक्षमा छन् । यस् भिडियोको परिकल्पना तथा निर्देशन सुनिल स्वयंले नै गरेका छन् ।

भिडियोमा एकदमै आकर्षक लोकेशन देख्न सकिन्छ। भिडियोको छायांकन पछिल्लो समय निकै लोकप्रिय बनेको लोकेशन मानुङकोट, तनहुँ लगायत दमौली बजारमा गरिएको छ। गीतको अडियोसंगै भिडियोको गुणस्तरका लागि सुनिलको निकै मिहेनत रहेको अनुमान लगाउन सकिन्छ।

विवेक बिकले आकर्षक फ्रेममा खिचेको भिडियोलाई सम्पादन एवम् कलरिङ गर्ने काम पनि विवेक स्वयंले नै गरेका छन् । रिलिज भएको छोटो समयमै गीतलाई अत्याधिक रुचाइएको छ। गीतलाई लिएर दर्शकको राम्रो अनि सकारात्मक प्रतिक्रिया युटुबमा देख्न सकिन्छ। भिडियो सुनिल गिरीकै अफिसियल युटुब च्यानलबाट रिलिज गरिएको हो। हेर्नुस् भिडियो..