काठमाडौं : कोरोना भाइरसका कारण करिव ९ महिनादेखि निर्माण हुन नपाएका फिल्महरु धमाधम छायांकन भइरहेका छन् । रोकिएका तथा नयाँ घोषित फिल्महरुको निर्माण कार्य बड्दै गएपछि फिल्म क्षेत्र बिस्तारै चलायमान हुँदै गएको छ।
यसैबीच फिल्म ‘हिड्दा हिड्दै’को पनि छायांकन कार्य सुरु गरिएको छ। सोमबारदेखि छायांकन सुरु गरिएको फिल्ममा नायक आकाश श्रेष्ठ , सलोन श्रेष्ठ , रेखा शाह, सानिया खान, विकास थापामगर, विवेक रामदाम, ममता पौडेल लगायतका कलाकारको मुख्य भूमिका रहने निर्माण टिमले जनाएको छ।
कोहलपुर मोडेल कलेजसँगको सहकार्यमा नारायण सुशील पंगेनी इन्टरटेन्मेन्टले निर्माण गर्न लागेको फिल्मको छायांकन ३५ दिनभित्र सिधा्याउने निर्माण टिमको लक्ष्य रहेको छ। फिल्ममा मिलन आले मगरको निर्देशन रहेको छ। त्यसै निर्मातामा तामाङ,राजकुमार थिङ र पारस गुरुङ रहेका छन् ।
काठमाडौ र गाइघाटमा छायांकन गरिने फिल्ममा सिनेम्याटोग्राफरको रुपमा सुमनकुमार तण्डुकार छन् । बसन्त सापकोटा र किरण माइकलको फिल्ममा संगीत रहने बताइएको छ।
