काठमाडौं : पछिल्लो समय राम्रा राम्रा गीतहरु मार्फत दर्शक स्रोताको माझ प्रस्तुत भइरहन गायक हुन् सम्राट चौलागाईं । पृथक आवाजका कारण नेपाली सांगीतिक क्षेत्रमा आफ्नो बेग्लै पहिचान बनाएका उनका दर्जनौं गीतहरु लोकप्रिय छन् ।

यसैबीच, सम्राटको नयाँ गीत रिलिज भएको छ। आइतबार रिलिज “रुइको सिरानी” बोलको गीतमा सम्राट र समिक्षा अधिकारीको सुमधुर आवाज रहेको छ। गीतमा बाबुल गिरीको शब्द अनि संगीत सुन्न सकिन्छ। गीतको अडियो एकदमै उत्कृष्ट छ। गीत एकदमै मेलोडियस बनेको छ।

गीतलाई रिलिज भएको छोटो समयमै युटुबमा एकदमै राम्रो भ्युज मिलेको छ। हाल यो समाचार तयार पार्दा युटुबमा अपलोड भएको २४ घण्टा नपुग्दै साढे ४ लाख बढी भ्युज, ५७ हजार बढी लाइक्स र ५ हजार बढी सकारात्मक कमेन्ट प्राप्त भएको छ। यसरी छोटो समयमै एकदम राम्रो भ्युज जाँदा सम्राट यतिबेला निकै हर्षित छन् ।

उसो त, गीतको अडियो संगै भिडियो पनि आकर्षक अनि उत्कृष्ट बनेका कारण पनि राम्रो भ्युज गएको अनुमान लगाउन सकिन्छ। पछिल्लो समय स्वर्गीय श्रीकृष्ण श्रेष्ठ जस्तै देखिने कंचनपुरका प्रकाश चन्द र मोडल गीता ढुंगानालाई भिडियोमा देख्न सकिन्छ।

एउटा सामान्य जीवन बिताइरहेका दम्पतीको कथालाई भिडियोमा देखाइएको छ। प्रकाशको यो डेब्यु म्युजिक भिडियो हो। पहिलो भएतापनि प्रकाशले जीवन्त अभिनय गरेका छन् । उनको अभिनयलाई लिएर तारिफ पनि भएको छ। भिडियोमा प्रकाश र गीताको केमिस्ट्री गजब देखिएको छ।

भिडियोलाई सुबोल थापाले निर्देशन गरेका हुन् । त्यस्तै, बुद्ध थापाले आकर्षक फ्रेममा खिचेको भिडियोलाई नवीन निरौलाले सम्पादन गरेका छन् । भिडियो सम्राट चौलागाईंको अफिसियल युटुब च्यानलबाट रिलिज गरिएको हो। हेर्नुस् भिडियो..