काठमाडौं : नेपाली कलाकारिता क्षेत्रमा पछिल्लो समय नयाँ नयाँ मुहारहरु थपिने क्रम बढ्दो छ। कतिपय यसै क्षेत्रमा स्थापित हुने सोचले भित्रीएका छन् त, कतिजना क्षणिक रहरले आइरहेका छन् ।

तर आफ्नो जीवन कलाकारितामै समर्पित गर्ने सोचले कलाकारिता क्षेत्रमा यात्रा गरिरहेका उदयमान कलाकार हुन् सन्तोष बानियाँ। चकलेटी अनुहार अनि आफ्नो अब्बल अभिनयका कारण दर्शकको मन जित्न सफल उनका दर्जनौं सर्ट मुभीहरु दर्शकले रुचाइसकेका छन् । उसो त कलाकारिता यात्राको छोटो समयमै दर्शकको मनमा बस्न सफल उनका म्युजिक भिडियो पनि बजारमा छन् । ती म्युजिक भिडियोलाई पनि दर्शकले रुचाएका छन् ।

संख्यात्मक भन्दा गुणात्मक काम गर्न रुचाउने सन्तोषका म्युजिक भिडियोहरु थोरै छन् । तरपनि उनको कामको भने प्रशंसा धेरै हुने गर्छ। प्रायः रोमान्टिक म्युजिक भिडियोमा उनलाई देख्न सकिन्छ। यसैबीच, सन्तोष अभिनित नयाँ सोलो म्युजिक भिडियोमा रिलिज भएको छ। केही दिन अघि रिलिज “आकाशको जुन” बोलको गीतमा सिडी विजय अधिकारीको सुमधुर आवाज रहेको छ। तारा प्रकाश लिम्बुको संगीत र हरिप्रसाद खनालको शब्द गीतमा सुन्न सकिन्छ।

गीतको अडियो एकदमै मेलोडियस छ। गीतको भिडियो पनि आकर्षक बनेको छ। प्रेम सम्बन्धमा रहेको प्रेमिल जोडीको कथालाई भिडियोमा देखाइएको छ। भिडियोमा सन्तोष र रश्मि भट्ट फिचर्ड छन् । सन्तोष र रश्मीलाई रोमान्टिक अवतारमा देख्न सकिन्छ। उनीहरुको केमिस्ट्री पनि गजब देखिएको छ। फिल्मी शैलीमा निर्माण गरिएको भिडियोमा सन्तोषको अभिनय अब्बल छ।

भिडियोलाई उत्तम श्रेष्ठ (शिशिर)ले निर्देशन गरेका हुन् । आकर्षक लोकेसनमा खिचिएको भिडियोका सिनेम्याटोग्राफर ज्ञानेन्द्र शर्मा हुमागाईँ र दिपक गिरी हुन् । भिडियोलाई सम्पादन एवम् कलरिङ गर्ने काम अमृत चापागाईंले गरेका छन् । भिडियो सिडिएम कृयशनको अफिसियल युटुब च्यानलबाट रिलिज गरिएको हो। हेर्नुस् भिडियो…