काठमाडौं : करिब ९ महिनादेखि बन्द रहेका फिल्म हल आगामी शुक्रबारबाट खुल्दैछन। कोभिड-१९ का कारण ठप्प रहेको चलचित्र क्षेत्र आगामी शुक्रबारबाट चलायमान हुदैछ। सुरुमा कुन चलचित्र हलमा लाग्ने हो ? भन्ने कौतुहलता छाइरहेको समयमा चलचित्र संघले भने पुरानै चलचित्रलाई सुरुमा रिलिज गर्ने जनाएको छ।

संघका अनुसार शुक्रबारबाट देशैभरका फिल्महलमा चलचित्र ‘आमा र सेन्टी भाइरस’ लाग्ने छन् । सुरुमा हलमा माहोल बनाउनको लागि पुरानै चलचित्र लाग्ने चलचित्र संघका अध्यक्ष मधुसुदन प्रधानले बताए।

”रिलिज भैरहेको समयमा हल बन्द गर्नुपरेको थियो” उनले भने,”अब तिनै चलचित्रलाई यहि शुक्रबारबाट देशभर प्रदर्शन गरिने छ। ९ महिना देखि बन्द रहेका चलचित्र हल खुल्दा देशभरका हल व्यवसायीहरु हल खोल्न उत्साहित देखिएका छन् । अहिले ९ महिनादेखि बन्द रहेका हलहरुको सरसफाइमा हल व्यवसायीहरु लागि परेका छन।”

चलचित्र ‘आमा’का निर्देशक दिपेन्द्र के खनाल हुन् भने सेन्टिभाइसरका निर्देशक रामबाबु गुरुङ हुन् । गत वर्ष समिक्षात्मक हिसावले चलचित्र ‘आमा’ राम्रो मानिएको थियो भने सेन्टी भाइरसलाई खासै रुचाइएको थिएन। व्यावासायिक हिसावले दुवै चलचित्र राम्रो चलेका थिए।