काठमाडौं : मेलोडियस अनि सुमधुर आवाजका कारण सांगीतिक क्षेत्रमा छुट्टै पहिचान बनाउन सफल गायिका हुन् प्रविशा अधिकारी। संख्यात्मक भन्दा पनि गुणात्मक गीत संगीत गाउन रुचाउने उनका धेरै गीतहरू लोकप्रिय छन् । दर्जनौं बढी गीतहरुलाई दर्शक स्रोताले अत्याधिक रुचाएका छन् ।
यसैबीच, प्रविशाकै आवाज रहेको नयाँ गीत रिलिज भएको छ। सोमबार रिलिज ‘तिमी र म’ बोलको गीतमा प्रविशाका अलवा सचिन तिमल्सिनाको पनि सुमधुर आवाज रहेको छ। प्रेमिल अनि मेलोडियस उक्त गीतमा सचिनकै शब्द संगीत रहेको छ।
चोखो प्रेम सम्बन्धमा रहेको प्रेमिल जोडीको कथामा आधारित उक्त गीतको अडियो भिडियो दुवै उत्कृष्ट छ। भिडियो पनि आकर्षक बनेको छ। भिडियोमा प्रविशा र सचिन दुबैजनालाई देख्न सकिन्छ।
प्रविशा र सचिनको केमिस्ट्री गजब रहेको भिडियोका निर्देशक सान थापा हुन् । बुद्ध थापाले आकर्षक फ्रेममा खिचेको भिडियोलाई सुप्रीम पराजुलीले सम्पादन गरेका छन् । गीतको भिडियो प्रविशा अधिकारीको अफिसियल युटुब च्यानलबाट रिलिज गरिएको हो। हेर्नुस् भिडियो..
