
काठमाडौं : नेपाली सांगीतिक क्षेत्रमा पृथक सृजना दर्शक स्रोतामाझ पस्किएर छुट्टै पहिचान सहित लोकप्रिय बनेका सर्जक हुन् दिग्गज धरौली। संख्यात्मक भन्दा पनि गुणात्मक सृजना गर्न रुचाउने उनका दर्जनौं गीतहरू लोकप्रिय छन् ।
यसैबीच, उनकै शब्द सृजना रहेको नयाँ गीत यतिबेला बजारमा आएको छ। केही दिन अघिमात्रै रिलिज “केटो अलि कमाउने होस्” बोलको गीतमा सुनिल कटुवाल र समीक्षा अधिकारीको सुमधुर आवाज रहेको छ।भने, संगीत अर्जुन पोखरेलले दिएका छन् ।
प्रेमिल जोडीको प्रेमकथालाई सर्जक धरौलीले गीतमा उतारेका छन् । मेलोडियस अनि डान्सिङ शैलीको उक्त गीतले सुन्ने जोकोहीको ध्यान केन्द्रित गर्ने गर्छ। गीतलाई छोटो समयमै धेरैले रुचाएका छन् । युटुब लगायत टिकटकमा पनि एकदमै रुचाइएको छ। दर्शक स्रोताको राम्रो राम्रो कमेन्ट युटुबमा देख्न सकिन्छ।
गीतको अडियो जति सशक्त छ, भिडियो झन आकर्षक बनेको छ। भिडियोमा सुधिर श्रेष्ठ , श्रेया सिटौला, अजय रेग्मी र अस्मिता अधिकारी फिचर्ड छन् । भिडियोका निर्देशक विधान कार्की हुन् । उत्सव दाहालले आकर्षक फ्रेममा खिचेको भिडियोलाई विकास दाहालले सम्पादन गरेका हुन् । गीतको भिडियो विशाल इन्टरटेन्मेन्टको अफिसियल युटुब च्यानलबाट रिलिज गरिएको हो। हेर्नुस् भिडियो..