कान्तिपुर दैनिकका रंगपत्रकार स्वर्गिय गोकर्ण गौतमलाई मरणोपरान्त यस वर्षको विजयबाबु स्मृति पत्रकारिता पुरस्कार प्रदान गरिएको छ ।हिजो विजयबाबु खत्रीको नवौं स्मृति दिवसका अवसरमा नेपाल समाचार केन्द्र प्रालिकी अध्यक्ष लक्ष्मी श्रेष्ठ खत्रीले दिवंगत पत्रकार गौतमकी श्रीमती सिर्जना तुलाधर गौतमलाई पुरस्कार हस्तान्तरण गरेकी हुन्।
हस्तान्तर गरिएको पुरस्कारमा ताम्रपत्र र ३४ हजार रुपैयाँ रहेको छ। टाउको दुख्ने समस्या रहेका ३१ वर्षीय गौतमको मस्तिष्कको नसाको शल्यक्रियाका क्रममा मंसिर ४ मा निधन भएको थियो ।स्वर्गिय गौतम कान्तिपुर दैनिकमा कला र समसायिक विषयमा कलम चलाउँदै आएका थिए। उनी पछिल्लो समय फिल्म समिक्षाका कारण चर्चामा रहेका थिए।
