काठमाडौं : नेपाली लोक दोहोरी क्षेत्रमा लोकप्रिय नाम हो एकनारायण भण्डारी। बहुचर्चित सर्जकका रुपमा परिचीत भण्डारीका हजारौं गीत स्रोता दर्शकमाझ लोकप्रिय छन् ।

यसैबीच, मौलिक गीत संगीत सृजना गर्न रुचाउने भण्डारीद्वारा सृजित लोकप्रिय गीत “छिपछिपे पानीमा लेउ” युटुबको करोड क्लबमा प्रबेश गरेको छ। करिब एक वर्षअघि रिलिज गीतमा शब्द संगीत एकनारायण कै रहेको छ। भने पिताम्बर जिसी र बिष्णु माझीको सुमधुर आवाज रहेको छ।
बजारमा आइरहेका गीतहरु मध्ये पृथक शैलीमा आधारित यस गीतलाई दर्शक स्रोताले अत्याधिक रुचाएका छन् । गीतलाई लिएर युटुबमा राम्रा राम्रा कमेन्टहरु प्राप्त छन् । यो रिपोर्ट तयार पार्दासम्म गीतलाई युटुबमा एक करोड बढी भ्युज, ५२ हजार बढी लाइक र ३६ सय बढी सकारात्मक कमेन्ट मिलेको छ।

अडियो एकदमै मेलोडियस रहेको गीतको भिडियो पनि आकर्षक छ। भिडियोमा चर्चित नायक दिलिप रायमाझी र सुरक्ष पन्त फिचर्ड छन् । भिडियोलाई प्रकाश भट्टले निर्देशन गरेका हुन् । राजेश घिमिरेले आकर्षक फ्रेममा खिचेको भिडियोलाई विष्णु शर्माले सम्पादन गरेका हुन् । भिडियो एकनारायण भण्डारीको अफिसियल युटुब च्यानलबाट रिलिज गरिएको थियो। हेर्नुस् भिडियो..