काठमाडौं : गायक सौगातजंग थापा र गायिका मेलिना राइको आवाजमा नयाँ गीत रिलिज भएको छ। बिहीबार रिलिज “मैले माया गर्ने” बोलको युगल गीतमा उत्तम कुमार वर्तौलाको शब्द अनि प्रशान्त पौडेलको संगीत रहेको छ।
गीत प्रेमिल अनि डान्सिङ प्याटर्नमा आधारित छ। गीतमा मेलिनासंगै सौगातको पनि गायिकी अब्बल सुनिन्छ। गीतको अडियोसंगै भिडियो पनि आकर्षक बनेको छ।
भिडियोमा पछिल्लो समयका लोकप्रिय कलाकार सुधिर श्रेष्ठ र गीता ढुंगाना फिचर्ड छिन् । सुधीर र गीतको केमिस्ट्री भिडियोमा गजब देखिएको छ। भिडियोलाई उत्तम श्रेष्ठ शिशिरले निर्देशन गरेका हुन् ।
ज्ञानेन्द्र शर्माले आकर्षक फ्रेममा खिचेको भिडियोलाई अमृत चापागाईंले सम्पादन गरेका हुन् । भिडियो राजेश अर्यालको अफिसियल युटुब च्यानलबाट रिलिज गरिएको हो। हेर्नुस् भिडियो..
