लोकप्रिय नायिका श्वेता खड्का आगामी सोमबार विवाह बन्धनमा बाँधिदै छिन् । दसैंमा अपरिचत युवकसँगै टीका लगाएको फोटो सार्वजनिक भएसँगै श्‍वेताले विवाह गर्न लागेको खबर फैलिएको थियो ।

श्वेताले भने त्यो खबर साँचो नभएको बताउँदै आएकी थिइन् । तर यतिबेला भने यहीँ मंसिर २२ मा उनको विवाह हुने दुलाह पक्षको तर्फबाट विवाह कार्ड बाहिरिएको छ। विवाह कार्ड बाहिरिएलगत्तै इकाजले पहिलो समाचार प्रकाशन गर्यो। त्यसपछि यो खबर चारैतिर फैलिएको छ। कार्डमा उल्लेख गरिए अनुसार श्वेताले विजयेन्द्रसिंह रावतसंग विवाह गर्नेछिन।

विवाहको खबर बाहिरिएसंगै उनलाई फ्यान तथा शुभचिन्तकहरुबाट बधाइको ओइरो आउन थालेको छ। चलचित्र निर्माण , अभिनयसंगै समाज सेवामा होमिएकी श्वेताको यो दोस्रो विवाह हो।

नेपाली चलचित्र नगरिमा हिट भएको चलचित्र “कहाँ भेटिएला” बाट स्वर्गीय नायक श्रीकृष्ण श्रेष्ठसंग डेव्यु गरेकी श्वेताले २०७१ साल असार २३ गते श्रीकृष्णसँगै विवाह गरेकी थिइन् । तर अफसोच उनको वैवाहिक जीवन लामोसमय चल्न पाएन । विवाहको १ महिना वित्न नपाउँदै उनले आफ्नो जीवन साथी गुमाउनु पर्यो।

विवाह गरेको दुई दिन पछि नै बिरामी भएका श्रीकृष्णको उपचारकै क्रममा २०७१ साउन २५ मा भारतमा निधन भएको थियो। पहिलो वैवाहिक जीवनमा दैवको आँखा लागेपनि दोस्रो वैवाहिक जीवन भने सुखद रहोस् फिल्मीपत्र परिवाको तर्फबाट श्वेतालाई शुभकामना ।