नेपालगन्ज : लोकप्रिय कलाकार चिरञ्जीवी सापकोटा (जिबी चिरन) अभिनित नयाँ म्युजिक भिडियो रिलिज भएको छ। बिहीबार आहा टिभीको अफिसियल युटुब च्यानलबाट रिलिज भएको गीतमा राज सागर र बिन्दु परियारको सुमधुर आवाज रहेको छ।
गीतमा राज सागरकै संगीत रहेको छ। भने लोकप्रिय सर्जक धुर्ब प्रसाद अमगाईँको शब्द छ। वियोगान्त प्रेम कथामा आधारित गीतमा प्रत्येक शब्दहरू मर्मस्पर्शी छन् । गीतको अडियोसंगै भिडियो पनि मनछुने बनेको छ।
भिडियोमा पछिल्लो समयम लोकप्रिय कलाकार चिरञ्जीवी सापकोटा (जिबी चिरन)का अलवा शुसिला थापा , दिनेश न्यौपाने र रश्मि श्रेष्ठ पनि फिचर्ड छन् ।
बाहिरी व्यक्तिका कारण वैवाहिक सम्बन्धमा रहेको जोडी छुटिन परेको अवस्थालाई भिडियोमा देखाइको छ। लोकप्रिय गीत ‘चिरा पर्याछ’ , ‘बहिनी’ लगायतका मनछुने म्युजिक भिडियोपछि चिरञ्जीवी यो भिडियो मार्फत दर्शकमाझ प्रस्तुत भएका हुन् ।
भिडियोका निर्देशक शिशिर श्रेष्ठ हुन् । राजेश घिमिरेले आकर्षक फ्रेममा खिचेको भिडियोलाई अमृत चापागाईंले सम्पादन गरेका हुन् । हेर्नुस् भिडियो..
