काठमाडौं : लोकप्रिय गायक प्रताप दासको नयाँ गीत रिलिज भएको छ। केही दिन अघि रिलिज भएको ‘कसरी’ बोलको गीतमा प्रताप दास र मेलिना राईको सुमधुर आवाज रहेको छ।

प्रेमिल सम्बन्धमा बाँधिएका प्रेम जोडीको असफल प्रेम कथामा आधारित सेन्टिमेन्टल गीतमा बि पान्डेको शब्द रहेको छ।भने, संगीत सुभाष भुसालले दिएका छन् ।

गीतको अडियो सुन्दा जति मार्मिक लाग्छ, भिडियो हेर्दा झन् मर्मस्पर्शी लाग्ने गर्छ। गीतको भाव अनुसार भिडियो निर्माण गरिएको छ। भिडियोमा लोकप्रिय कलाकार रश्मि भट्ट, पछिल्लो समय टिकटकबाट लोकप्रिय बनेका डिमोन क्षेत्री र सम्झना रिमाल फिचर्ड छन् । साथमा मदन सेन्चुरीको पनि अभिनय देख्न सकिन्छ।

प्रेमिल प्रेम सम्बन्धमा रहँदा रहँदै पनि विभिन्न बाधा अड्चनले गर्दा एक हुन नसकेका प्रेम जोडिको असफल प्रेम कथालाई भिडियोमा देखाइएको छ। डेमोन र सम्झनाले पनि भिडियोमा अब्बल अभिनय निर्वाह गरेका छन् ।

भिडियोलाई गणेश शाहीले निर्देशन गरेका हुन् । भने भिडियोलाई छायांकन र सम्पादन फराज अर्पणले गरेका हुन् । भिडियो प्रताप दासको अफिसियल युटुब च्यानलबाट रिलिज गरिएको हो। हेर्नुस् भिडियो..