काठमाडौं : लोकप्रिय गायिका अन्जु पन्तको आवाजमा रहेकी नयाँ गीत रिलिज भएको छ। कृष्ण फिल्म्सको अफिसियल युटुब च्यानलबाट रिलिज भएको “पागल” बोलको गीतमा राजकुमार बगरको शब्द संगीत रहेको छ।
वियोगान्त प्रेमकथामा आधारित गीतको अडियो पक्ष अब्बल छ। सुन्ने जोकोहीको मन गीतले केन्द्रीत गर्छ। गीतको अडियोसंगै भिडियो पनि मनछुने बनेको छ।
गीतको भाव अनुसारको भिडियो निर्माण गरिएको छ। म्युजिक भिडियो निर्देशनमा आफ्नो छुट्टै पहिचान बनाउन सफल निर्देशक बाबुराजा केसी ‘उज्ज्वल’को निर्देशन रहेको छ।
भिडियोमा बिक्रम बुढाथोकी , अन्जु चौलागाईं र एलेक्स बास्तोला फिचर्ड छन् । उनीहरुको अब्बल अभिनय भिडियोमा देख्न सकिन्छ। बाबुराजाको निर्देशन भिडियोमा तारिफयोग्य अनि उत्कृष्ट छ।
मधुर वस्नेतले आकर्षक फ्रेममा खिचेको भिडियोलाई नवीन निरौलाले सम्पादन गरेका हुन् । हेर्नुस् भिडियो..
