काठमाडौं : पछिल्लो समय नेपाली म्युजिक भिडियोमा आफ्नो अब्बल अभिनय मार्फत दर्शकको मन जित्न सफल कलाकार हुन् चिरञ्जीवी सापकोटा (जिबी चिरन)।

केही महिना अघि रिलिज भएको ‘चिरा पर्या छ’ बोलको म्युजिक भिडियोबाट लोकप्रिय बनेका उनी गीत लेखनमा पनि सक्रिय हुन थालेका छन् । यसैबीच, उनले आफुद्वारा लिखित पहिलो गीत ‘झुपडी’ बजारमा ल्याउने तयारीमा रहेका छन् ।

छिट्टै दर्शक स्रोतामाझ उक्त गीत ल्याउने तयारीमा जुटेको भन्दै चिरञ्जीवीले केही दिन अघि गीतको फर्स्टलुक पोस्टर रिलिज गरेका हुन् । फिल्मी प्याटर्नमा आधारित हुने उक्त गीतको अडियो भिडियो निर्माणको काम भइरहेको उनले फिल्मी पत्रलाई बताए।

गीतमा सुमन केसीको आवाज रहनेछ।भने, संगीत जोसेफ शाहीले गरेका छन् । जनता डिजिटलको प्रस्तुती रहेको गीतको अडियोसंगै भिडियो पनि गुणस्तरीय बनाउने कोसिसमा रहेको उनी बताउँछन् ।हालसम्म भिडियोमा भने चिरञ्जीवी नै फिचर्ड हुनेभएको छ। यद्यपि अन्य कलाकारहरु थपिन सक्ने बताइएको छ।

भिडियोलाई निर्देशक सृजन बरालले निर्देशन गर्दैछन्। गीतको फर्स्टलुक पोस्टर डिजाइन आइक्याच स्टुडियोले गरेको हो। गीतको भिडियो आहा टिभीको अफिसियल युटुब च्यानलबाट रिलिज हुनेछ।