काठमाडौं : नेपाली युट्युब जगतमा फरक शैली र फरक प्रस्तुतीबाट ‘बेबि’ क्यारेक्टरले परिचित कलाकार हुन् सुन्दर खनाल बेबि।

उनै बेबि अब लोकप्रिय हास्य कलाकार राजा राजेन्द्र पोखरेल, सुबोध गौतम संग कमव्याक हुँदै छन् । यही आउने मंसिर ३ गतेबाट जनता टिभी मार्फत प्रसारण हुन गइरहेको “नेपाली कमेडी शो” नामक कार्यक्रम मार्फत बेबि कमब्याक हुन लागेका हुन् ।

आज एक कार्यक्रमका बीच निर्माण टिमले उक्त कमेडी शोको प्रोमो रिलिज गर्दै औपचारिक जानकारी दिएको हो। कार्यक्रम हरेक बुधबार राति ८:४५ बजे प्रसारण हुनेछ। कार्यक्रममा दिनेश काफ्ले,प्रभात लामा,दिपेन्द्र प्रसाईं,सुयाशा खनाल,कल्पना खतिवडा लगायतका युवा हास्यकलाकारहरुको पनि कमेडी रहने बताइएको छ।

कोभिड १९ का कारण नैरष्यतामा रहेका दर्शकहरूलाई मनोरञ्जन दिने उद्देश्यले कार्यक्रम सुरु गर्न लागिएको निर्माण टिमले जनाएको छ। निर्माण टिमका अनुसार कार्यक्रम बिहीबार बिहान ११:०५ र दिउँसो ३ बजे पुनः प्रसारण हुनेछ। टिभीमा प्रसारण भइसकेपछि कार्यक्रमलाई जनता टिभीको अफिसियल युटुब च्यानलमार्फत पनि दर्शकले हेरेर मनोरञ्जन लिन सक्नेछन् ।

नयाँ शोबाट दर्शक सामु पुनः प्रस्तुत हुन पाउँदा आफू निकै नै उत्साहित भएको बेबि बताउँछन् ।