नेपालगन्ज : पछिल्लो समय दिनहुँजसो नयाँ नयाँ म्युजिक भिडियोहरु रिलिज भइरहेका हुन्छन् । यसैबीच, शुक्रबार आज पनि दर्जनौं बढी म्युजिक भिडियोहरु युटुबमा रिलिज भए।

रिलिज भएका मध्ये फरकपन बोकेको म्युजिक भिडियो हो ‘ढुंगेधाराको’,जुन गीतमा पछिल्लो समयका लोकप्रिय गायक कृष्ण काफ्ले र नेपाल आइडल सिजन ३ बाट चर्चामा आएकी गायिका ममता गुरुङको मेलोडियस आवाज रहेको छ।

डान्सिङ शैलीमा आधारित उक्त गीतमा आलोक श्रीको संगीत अनि गायत्री ज्ञवालीको शब्द रहेको छ। गीतको अडियो मेलोडियस छ। माया प्रेमका कुराहरू गीतमा प्रस्तुत गरिएको छ। कृष्ण र ममताको गायिकी पनि गीतमा अब्बल अनि उत्कृष्ट लाग्छ। ममताको आवाज पनि सुन्दा पृथक अनि मेलोडियस लाग्छ।

गीतको अडियोसंगै भिडियो पनि उत्कृष्ट एवम् आकर्षक बनेको छ। एक युवतीले एकैपटक २ युवकसंग प्रेम सम्बन्ध निभाइरहेको कथालाई कलात्मक शैलीमा भिडियोमा देखाइएको छ। भिडियोमा गम्भीर विष्ट, गीता ढुंगाना र कृष्ण स्वयं फिचर्ड छन् ।

भिडियोका निर्देशक गम्भीर नै हुन् । भिडियोलाई आकर्षक फ्रेममा नवराज उप्रेतीले खिचेका छन् । नरेश कुमार विष्टले उत्पादन गरेको भिडियोलाई नवीन निरौलाले सम्पादन गरेका हुन् । गीतको भिडियो कृष्ण काफ्लेको अफिसियल युटुब च्यानलबाट रिलिज गरिएको हो। हेर्नुस् भिडियो..