नेपालगन्ज : पछिल्लो समय दशैलाई लक्षिय गर्दै दिनहुँजसो विभिन्न म्युजिक भिडियोहरु रिलिज भइरहेका हुन्छन् । कतिपय म्युजिक भिडियोलाई दर्शकले रुचाएका छन् , त कतिपयलाई रुचाएका छैनन् पनि ।
यसैबीच, लोकप्रिय कलाकार चिरञ्जीवी सापकोटा (जिवी चिरन) अभिनित नयाँ दशैंको म्युजिक भिडियो रिलिज भएको छ। ‘आउँछु भन्थेँ’ बोलको दशै गीतमा लोकप्रिय संगीतकार एवम् गायक हरि लम्सालको संगीत अनि आवाज रहेको छ। गीतमा विष्णु गैरेको शब्द रहेको छ।
दशैमा घर आउन न पाउनुको पीडा गीतमा प्रस्तुत गरिएको छ। गीतको अडियोसंगै भिडियो पनि उत्कृष्ट बनेको छ। भिडियोमा चिरञ्जीवी र रमा थपलियाको उत्कृष्ट अनि जीवन्त अभिनय रहेको छ। रमा आमाको भुमिकामा छिन् भने चिरञ्जीवीले परदेशिएको छोराको भुमिकामा छन् ।
भिडियोलाई प्रकाश धितालले निर्देशन गरेका हुन् । बुद्ध थापाको टिमले भिडियोलाई आकर्षक फ्रेममा खिचेको छ।भने, बिकास दाहालले भिडियो सम्पादन गरेका हुन् । भिडियो भाइव्रेसन मिडियाको अफिसियल युटुब च्यानलबाट रिलिज गरिएको हो। हेर्नुस् भिडियो..
