नेपालगन्ज : मौलिकतालाई आफ्ना हरेक गीत संगीतमा समाबेश गर्ने गायक हुन् गोपाल जिएम। युवा पुस्ताका ढुकढुकी समेत रहेका उनी सधै अरु भन्दा फरक गीत संगीत सृजना गर्न रुचाउँछन् ।
यसैबीच, आफुलाई जन्मदिने बुवा आमालाई समर्पित गर्दै उनले एउटा मौलिक लोकगीत बजारमा ल्याएका छन् । सोमबार रिलिज भएको “आमा बा” बोलको गीतमा गोपालकै लय सृजना अनि आवाज रहेको छ। गीतमा दिपक जिएमको शब्द छ।
जन्मदिने बुवा आमा नै भगवान भएको र बुवा आमाको बुढेसकालमाको सहारा आफू भएको कुरा गोपालले गीतमा प्रस्तुत गरेका छन् । गीतले सुन्ने जतिको मन छुन्छ। गीतमा समाबेश प्रत्येक शब्दहरू मर्मस्पर्शी छन् । गीतमा गोपालको गायिकी उत्कृष्ट छ।
गीतको अडियोसंगै भिडियो पनि आकर्षक बनेको छ। गीतको भाव अनुसार भिडियो निर्माण गरिएको छ। भिडियोमा गोपालले आफ्नै जन्म दिने बुवा आमालाई देखाएका छन् । उनी आफू स्वयं पनि भिडियोमा फिचर्ड छन् । गोपाललाई वर्षा मगरले अभिनयमा साथ दिएकी छिन् । आफ्नै घर बाँकेमा उनले भिडियो छायांकन गरेका हुन् ।
भिडियोलाई भुवन भट्टराईले निर्देशन एवम् सम्पादन गरेका छन् । देव बोहराले भिडियो खिचेका हुन् । आफ्नो जीवनकालभरि बुवा आमाको एउटा सम्झना हुने, आफ्ना भावी सन्ततिलाई पनि एउटा सम्झना स्वरुप चिनो हुने मनसायले यो गीत निर्माण गरेको गोपाल बताउँछन् । व्यवसायिक भन्दा पनि आत्मसन्तुष्टिका लागि यो गीत निर्माण गरेको उनको भनाई छ।
गीतको भिडियो गोपाल जिएमको अफिसियल युटुब च्यानलबाट रिलिज गरिएको हो। हेर्नुस् भिडियो..
