नेपालगन्ज : पछिल्लो समयका व्यस्त म्युजिक अरेन्जर अनि सर्जक हुन् याम थापा मगर । दिनहुँजसो म्युजिक अरेन्जमा व्यस्त रहने थापा बेला बेलामा गीत संगीत सृजना पनि गर्ने गर्छन् ।

आफ्ना हरेक सृजनामा पृथकपन दिन रुचाउने सर्जक थापाको सृजनामा केही दिन अघि मात्रै एउटा पृथक गीत रिलिज भएको छ। रिलिज भएको ‘मस्का’ बोलको गीतमा लोकप्रिय गायिका मिना निरौला र गायक नीर आले मगरको धमाकेदार आवाज रहेको छ। गीत सुन्दा जोकोहीलाई नाँचौ नाँचौ लाग्ने गर्छ।

बजारमा आइरहेका गीतहरु भन्दा बेग्लै लाग्ने उक्त गीतमा सर्जक थापाको उत्कृष्ट सृजना रहेको छ। सर्जक थापाकै शब्द, संगीत अनि अरेन्ज उक्त गीतमा रहेको छ। सुन्दा बिलकुल फरक लाग्ने गर्छ। गीतको अडियोसंगै भिडियो पनि दमदार बनेको छ।

भिडियोमा लोकप्रिय गायिका तथा मोडल प्रीति आले, नीर आले मगर ,प्रीन्सा खड्का र रियाज अधिकारी फिचर्ड छन् । प्रीती र निरको धमाकेदार डान्स भिडियोमा देख्न सकिन्छ। भिडियोलाई शंकर बिसीले निर्देशन गरेका हुन् ।

आकर्षक फ्रेममा दुर्गा पौडेलले भिडियो खिचेका छन् ।भने, नवीन घर्तीमगरले भिडियो सम्पादन गरेका हुन् । यस् भन्दा अघि बनमाराले जस्तो लोकप्रिय गीतसंगै अन्य धेरै गीतहरु सृजना गरिसकेका सर्जक थापाले कृयशन अफ दि एयरको फिसियल युटुब च्यानलबाट रिलिज गरिएको यस् गीतबाट पनि दर्शक स्रोताको माया पाउने आशा राखेको बताए। हेर्नुस् भिडियो..