नेपालगन्ज : मनसुुुधा मिडिया प्रालिको व्यानरमा निर्माण भएको फिल्म “लिली”को टिजर रिलिज भएको छ। त्रिकोणात्मक प्रेम कथामा आधारित रहेको फिल्मको टिजर आइतबार रिलिज गरिएको हो।
तिजरमा कपिल मगर, सरु तामाङ , बिबेश श्रेष्ठ, भावना पाण्डे लगायतका कलाकारलाई देखाइएको छ। लकडाउनका कारण ठप्प रहेको फिल्म क्षेत्रलाई केहि मात्रामा भएपनि चलायमान बनाउने उद्देश्यले ‘लिली’ फिल्म निर्माण गरेको निर्माण युनिटले जनाएको छ।
फिल्मका निर्देशक भरत लामा हुन् । रिया अधिकारीको फिल्ममा स्क्रिप्ट रहेको छ। फिल्मका निर्माता बिकाश स्याङतान हुन् । फिल्ममा युबिन श्रेष्ठको सिनेम्याटोग्राफी रहेको छ। त्यस्तै, प्रोडक्सनको काम गुजबम फिल्मसले गरेको छ। फिल्मलाई निर्देशक लामाले नै सम्पादन गरेका छन् ।
पारिवारिक प्रेम र सफल जीवनको लागि गरिने उतारचढावलाई फिल्ममा मुख्य बनाइएको निर्देशक लामाले बताए। अवस्था सामान्य भएपछि फिल्म प्रीमियर शो र हलमा लाग्ने निर्माण टिमले जनाएको छ। टिजर निर्देशक भरत लामाको अफिसियल युटुब च्यानलबाट रिलिज गरिएको हो। हेर्नुस् टिजर..
