नेपालगन्ज : नेपाली म्युजिक फिल्डमा दिनानुदिन नयाँ प्रतिभाहरु भित्रिने क्रम जारी नै छ। हरेक दिन रिलिज हुने नयाँ म्युजिक भिडियोमा नयाँ नयाँ मोडलका अनुहारहरु देख्न सकिन्छ।
कतिपय मोडलहरु सिकेर आउँछन् भने कतिपय रहरै रहरमा। यसबीच, केही सिकेर कलाकारिता यात्रामा अगाडि बढ्ने उद्देश्यले नव मोडल त्रिभुवन ढकालले एउटा नयाँ म्युजिक भिडियोबाट डेव्यु गर्दैछन् ।
नोभेम्बर १३ बाट रिलिज हुन लागेको नयाँ पुस्ताको म्युजिक भिडियो ‘दिन र रात’ बाट मोडलिङ फिल्डमा डेव्यु गर्न लागेका हुन् । व्यापारी तथा समाजसेवी समेत रहेका त्रिभुवनले डेव्यु गर्न लागेको उक्त गीतमा लोकप्रिय गायक गायिकाको आवाज रहेको बताइएको छ।
अहिले अडियो भिडियो निर्माणको कार्य अगाडि बढिरहेको बताइएको छ। व्यवसाय तथा समाजसेवामा होमिएका त्रिभुवनको यता कलाकारिता फिल्डमा भने पहिलो अनुभव भएकोले एकदमै उत्साहित रहेको उनी बताउँछन् ।
