हलिउडका चर्चित अभिनेता जोनी डेपले आफ्नी पूर्व पत्नी एम्बर हर्डले लगाएको सबै आरोप मनगढन्ते र निराधार रहेको बताएका छन् । लण्डनको एक अदालतमा भएको सुनवाईमा उनले आफ्नी पूर्व श्रीमतीलाई राक्षसको जस्तो व्यवहार गरेको आरोप समेत लगाएका छन् ।

उनकी पूर्व श्रीमती एम्बर हर्डले एक प्राइभेट जेटमा आफूमाथि डेपले हातपात गरेको आरोप लगाएकी थिइन् । यस आरोपको विषयमा डेपले भनेका छन्, ‘म नशामा ब्ल्याकआउट भए पनि हिंस्रक व्यक्ति होइन । विशेषगरि महिलामाथि ।

मैले उनीमाथि हातपात गरेको छैन । ममाथि लगाइएका आरोप झुटा हुन् ।’ न्यूज ग्रुप न्यूजपेपर्सका कार्यकारी सम्पादक डान वाटनले डेपमाथि आरोप लगाएका थिए कि उनलाई आफ्नी श्रीमती अमेरिकी अभिनेता जेम्स फ्रेन्कोसँग फिल्म गरिरहेकोमा ईष्या थियो । पूर्व पत्नीमाथि हातपात गरेको आरोपको बारेमा डेपले अदालतमा आफूले कहिल्यै त्यस्तो व्यवहार नगरेको बताएका छन् ।

डेपले २०१८ को एक खबरलाई लिएर अखबारका प्रकाशक, न्यूज ग्रुप न्यूजपेपर्सका कार्यकारी सम्पादक डान वूटनमाथि पनि मुद्धा दायर गरेका छन् । त्यसमा डेपले पूर्व पत्नीमाथि हिंस्रक व्यवहार र अपमानजनक भाषा प्रयोग गरेको आरोप लगाइएको थियो ।  कोर्टमा एक इमेल पनि पढिएको थियो, जसमा फ्लाइटको क्रममा मादक पदार्थ र कोकीनको कुरा उल्लेख गरिएको थियो । उक्त इमेलमा डेप मादक पदार्थको नशामा रिसाएको कुरा पनि उल्लेख थियो ।

यसपछि उनले कोर्टमा आफ्नो यो व्यवहारका लागि माफी मागेका थिए । उनले रोक्सिकोडोन लिएको कुरा स्वीकार गरे पनि मादक पदार्थ प्रयोग नगरेको स्पष्टिकरण दिएका छन् ।