नेपालगन्ज : पछिल्लो समय नेपाली म्युजिक भिडियोहरु उच्च बजेटमा निर्माण हुँदै आएका छन् । निर्माताहरुले अडियोदेखि भिडियोसम्मको क्वालिटीमा विशेष ध्यान दिएको पाइन्छ।

यसैबीच, गायक सरोज साजन श्रेष्ठको पनि नयाँ गीत रिलिज भएको छ। रिलिज भएको ‘माया नयनी ताल’ बोलको गीतमा सरोज साजनकै शब्द, संगीत अनि सुमधुर आवाज रहेको छ।

डान्सिङ अनि लोक प्याटर्नमा आधारित उक्त गीतमा सरोजको गायिकी अब्बल अनि उत्कृष्ट छ। गीतको अडियो पक्ष एकदम सशक्त छ। यसभन्दा अघि ‘मायालुको देश’, ‘पापीनिले’ लगायतका थुप्रै गीतहरु दर्शक स्रोतासामु पस्किसकेका सरोजले यस गीतमा भने पृथक स्वाद दिएका छन् ।

गीतको अडियोसंगै भिडियो पनि दमदार अनि आकर्षक बनेको छ। भिडियोमा सुधिर श्रेष्ठ, रियासा दाहाल र सुशील रेग्मी फिचर्ड छन् । भिडियोलाई चर्चित निर्देशक विधान कार्कीले निर्देशन गरेका छन् । भिडियो हेर्दा उनको निर्देशकिय पाटो तारिफ योग्य छ।

भिडियोका कोरियिग्राफर सुरेन्द्र वसेल हुन् । भिडियोलाई आकर्षक फ्रेममा खिच्ने काम उत्सव दाहालले गरेका छन् । भिडियो एकदम उत्कृष्ट छ। हेर्ने दर्शक जोकोहीको मन भिडियोले जित्ने गर्छ। भिडियोलाई विकास दाहालले सम्पादन एवम् कलरिङ गरेका हुन् ।

गीतको भिडियो ‘द डिभाइन म्युजिक’को अफिसियल युटुब च्यानलबाट रिलिज गरिएको हो। हेर्नुस् भिडियो…