नेपालगन्ज : पछिल्लो समय मोडलिङ क्षेत्रमा उदाउँदै गरेका मोडलको नाम हो प्रशान्त केसी। मोफसल अर्थात नेपालगन्जमै बसेर कलाकारिता क्षेत्रलाई अगाडि बढाइरहेका प्रशान्त अभिनित दोस्रो म्युजिक भिडियो रिलिज भएको छ।

आइतबार रिलिज भएको ‘तिमी मेरो जीवन साथी’ बोलको म्युजिक भिडियोमा प्रशान्तको जीवन्त अभिनय रहेको छ। भिडियो रिलिज भएपछि प्रशान्तको अभिनयलाई एकदम राम्रो तारिफ मिलेको छ।

धनी र गरिव जोडिको जीवनशैलीमा आधारित कथा वस्तु भिडियोमा देखाइएको छ। यस भन्दा अगाडि प्रताप दासको आवाज रहेको ‘मलाई किन किन’ बोलको गीतको भिडियोमा उत्कृष्ट अभिनय गरिसकेका प्रशान्त यस नयाँ भिडियोमा गरिवको भुमिकामा प्रस्तुत छन् । भिडियोमा प्रशान्तका अलवा सन्चारकर्मी राजेश बुढाथोकी, सबु पौडेल र रन्जु वलीको पनि उत्कृष्ट अभिनय रहेको छ।

भिडियोलाई अब्बल कलाकार एवम् निर्देशक साहित सिंह ठकुरीले निर्देशन गरेका हुन् । गीतको भाव अनुसार पृथक कथा वस्तुलाई साहितले भिडियोमा उतारेका छन् । भिडियोलाई खिच्ने अनि सम्पादन गर्ने कार्य रामु चौधरीले गरेका छन् ।

लोकप्रिय गायिका रजिना रिमाल र गायक बिपी वाग्लेको गीतमा सुमधुर आवाज रहेको छ। डाक्टर भोला रिजालले गीतमा उत्कृष्ट शब्द लेखेका छन् भने पण्डित इन्दुप्रशाद त्रिवेदीले संगीत भरेका छन् ।
गीतको भिडियो मिसन इन्टरटेन्मेन्टको अफिसियल युटुब च्यानलबाट रिलिज गरिएको हो। हेर्नुस् भिडियो..