अभिनेत्री स्वस्तिमा खड्का यतिबेलाकी व्यस्त नायिका हुन् । उनी अभिनित पछिल्लो फिल्म ‘चपली हाइट ३’ कोभिड 19 का कारण रिलिज हुन सकेको छैन । लकडाउन खुकुलो भएको समयमा केही म्युजिक भिडियोमा अभिनय गरेरै भएपनी स्वस्तिमा व्यस्त भईन् । उनी हालै मात्र दिपेन्द्र के. खनालले निर्देशन गर्ने फिल्म ‘चिसो मान्छे’मा अनुबन्ध भएको खबर पनि बाहिरिएको छ ।
‘होस्टेल रिटर्न्स’ नामक फिल्मबाट रजतपटमा डेब्यु गरेकी स्वस्तिमाले ५ बर्षमा दर्जन बढी फिल्ममा अभिनय गरेकी छिन् । तर, उनले पहिलो फिल्मको आधा पारिश्रमिक भने अझै पाएकी छैनन् । १५ हजार पारिश्रमिकमा ‘होस्टेल रिटर्न्स’मा अनुबन्ध भएकी स्वस्तिमा अहिले ठूलो पारिश्रमिक लिएर काम गर्छिन् । तर, स्वस्तिमाले किन पाइनन् त आधा पारिश्रमिक ?
स्वस्तिमाले केही महिना अगाडि आफ्नो युट्युव च्यानलको सुरुवात गरेकी थिईन् । फुर्सदमा रहेकी स्वस्तिमाले त्यसै युट्युव च्यानल मार्फत भर्खरै एउटा भिडियो पोस्ट गरेकी छिन् । जसमा दर्शकले गरेको प्रश्नको उत्तर दिएकी छिन् । उनले एक दर्शकको प्रश्नको उत्तर दिदै ‘होस्टेल रिटर्न्स’मा १५ हजार पारिश्रमिकमा अनुबन्ध भएको तर आधा पारिश्रमिक अझै नपाएको बताएकी हुन् ।
स्वस्तिमाले भिडियोमा भनेकी छिन् -‘ त्यो समयमा १५ हजार भनेको धेरै रकम हो । तर, त्यसबेला पैसा भन्दा पनि प्ल्याटफर्म महत्त्वपूर्ण थियो ।’ उनले आफ्नो निर्माता, निर्देशकसँग कुनै गुनासो नरहेको पनि प्रष्ट पारेकि छ्न् ।
