नेपालगन्ज : नेपालगन्जका बरिष्ठ सञ्चारकर्मी तथा लोक गायक कमल विक निर्मोही कोरोना मुक्त भएका छन । निर्मोही आफ्ना श्रीमती र नातिनि सहित खजुरामा रहेको क्यान्सर अस्पतालमा स्थापना गरिएको कोरोना अस्पताल आइसोलेसन बाट निको भएर घर फर्किएका हुन ।
बरिष्ठ सञ्चारकर्मी निर्मोहिलाई स्वागत गर्न खजुरा गाउँपालिकाका उपाध्यक्ष एकमाया विक, खजुरा गाउँपालिका वडा नम्बर ४ का अध्यक्ष तिलकविर सुनार, पत्रकार, कलाकार तथा आफन्तहरु पुगेका थिए । उच्च मनोबलका साथ कोरोना जितिने भएकाले सबैलाई हौसला बुलन्ध पार्न जरुरी रहेको निर्मोहीले बताए ।
निर्मोहीको परिवार सगै आज बाँकेमा १० जना कोरोना जितेर विभिन्न आइसोलेसाबाट घर फर्किएका छन । हाल सम्म ९७५ जना कोरोना संक्रमित पुगेका छन भने ७०३ जनाले कोरोना जितिसकेका छन । ६ जनाको मृत्यु भैसकेको छ ।
