नेपालगन्ज : नेपाली नारीहरुको महान चाड तीज नजिकिँदै गर्दा पछिल्लो समय तीजका गीत धेरै मात्रामा सार्वजनिक भइरहेका छन् । तर यसै माहोलबीच गायक महेन्द्रराज बरालको एउटा बिल्कुलै मेलोडियस गीत सार्वजनिक भएको छ।

सार्वजनिक “रुमालै चिनो धोई धोई” बोलको गीतमा महेन्द्रराज बराल र अस्मिता अधिकारीको सुमधुर आवाज रहेको छ भने हरि लम्सालको शब्द तथा संगीत रहेको छ। गीतको अडियो पक्ष एकदमै मेलोडियस छ। सुन्ने जोकोहीलाई आनन्दित तुल्याउने गर्छ अडियोले। महेन्द्र र अस्मिताको गायिकी गीतमा उत्कृष्ट छ।

अडियोसंगै गीतको भिडियो पनि एकदमै आकर्षक अनि उत्कृष्ट बनेको छ। भिडियोमा कलाकार लक्ष्मी बर्देवा, जीवन भट्टराई र स्वयं गायक महेन्द्र पनि फिचर्ड छन् । लक्ष्मी र जीवनको केमिस्ट्री भिडियोमा गज्जबको देखिएको छ। एउटा समाजमा हुने अन्तरजातीय प्रेम कथालाई भिडियोमा प्रस्तुत गरिएको छ।

भिडियोलाई लक्ष्मी र जीवनले संयुक्त रुपमा निर्देशन गरेका हुन् । भिडियोलाई बुद्ध थापाले खिचेका हुन् भने विष्णु खड्काले सम्पादन गरेका हुन् । भिडियो महेन्द्रराज बरालको अफिसियल युटुब च्यानलबाट सार्वजनिक गरिएको हो। हेर्नुस् भिडियो..