काठमाडौं : पछिल्लो समय अमेरिकाको टेक्सासमा विभिन्न सांगीतिक एवम् साहित्यिक कार्यक्रमहरु आयोजना हुनेक्रम बढ्दो छ। जुन कुरा गीत संगीत अथवा साहित्य क्षेत्रको लागि खुशीको कुरा हो।
यसैबीच, गत सेप्टेम्बर २४ तारिकको दिन एक साहित्यिक कार्यक्रम टेक्सासमै सम्पन्न गरिएको छ। फ्लुगरभेल कम्युनिटी थियटरको प्रस्तुतिमा ‘दि स्विफ्ट्लेफ्ट : एन इमिग्रेन्ट’ नामक कविता मन्चन कार्यक्रम सम्पन्न गरिएको हो।
जुन कविताको नाटकीय रुपान्तरण केशवराज ज्ञवालीले गरेका हुन् ।भने, अनुवाद चाहिँ अस्मिता आचार्यले गरेकी हुन् ।
करिब १ घण्टा समय जति गरिएको कविता मन्चनको फिचरिङ सुवास बहादुर थापाले गरेका थिए। बिनिताको कोरियोग्राफीमा सम्पन्न कविता मन्चनको निर्देशक पनि सुवासनै हुन् ।
जे होस् , यस्ता खालका साहित्यिक गतिविधिले नेपाली साहित्य विश्वका हर कुनामा पुगेकोमा उपस्थित सबैले खुशी व्यक्त गरेका थिए। टेक्सासमा मात्रै नभएर अन्य विभिन्न स्थानमा पनि यस्ता खालका कार्यक्रम हुन आवश्यक छ।
