सविना वान्तवा /काठमाडौं : प्रेमिला अनि मेलोडियस गीत बनाउन माहिर मानिने सर्जक हुन् रोशन सिंह । नेपाली सांगीतिक क्षेत्रमा छोटो समयमै एक अब्बल सर्जकको छवि बनाउन सफल सिंंह गीत पनि मीठो गाउँछन।

उनले गाएका दजनौँ बढी गीत मध्ये “पिपल छेउमा वर” पनि एक लोकप्रिय गीत हो। चर्चित गायिका प्रविशा अधिकारी र रोशनकै सुमधुर आवाज रहेको उक्त गीतको यतिबेला सिक्वेल रिलिज भएको छ।

शुक्रबार “ए प्लस” नामक युट्युब च्यानलबाट रिलिज भएको उक्त गीतको सिक्वेललाई “वरको छायाँले” नाम दिइएको छ। दोस्रो पार्ट अर्थात सिक्वेलमा पनि रोशन र प्रविशाकै मेलोडियस अनि सुमधुर आवाज रहेको छ।

गीतको शब्द अनि संगीत रोशन सिंंहले नै तयार पारेका हुन् । विशाल निरौला गीतको संगीत संयोजक हुन् । सुन्दा गीत निकै मेलोडियस मानिन्छ। समग्रमा गीतको अडियो अब्बल छ।

गीतको अडियोसंगै भिडियो पनि आकर्षक बनाइएको छ। भिडियोमा मोडल आयुष्मा चौधरी र रोशन सिंंह फिचर्ड छन् । एक प्रेमिल जोडीको प्रेम र रोमान्सलाई कलात्मक रुपमा भिडियोमा चित्रण गरिएको छ।

भिडियोलाई बिक्रम चौहानले निर्देशन गरेका हुन् । बिक्रमकै कथा छ भिडियोमा। आकर्षक फ्रेममा प्रकाश खड्काले खिचेको भिडियोलाई मिलन विश्वकर्माले सम्पादन गरेका हुन् ।

“पिपल छेउमा वर” को पहिलो भाग अत्याधिक रुचाएका दर्शक स्रोताले सिक्वेललाई कत्तिको रुचाउने हुन् त्यो त केही दिन कुर्नुपर्ने नै हुन्छ। भिडियो…