काठमाडौं : त्यसो त, पछिल्लो समय दैनिकजसो दजनौं बढी गीतहरु रिलिज हुने गर्छन् । रिलिज भएका कमै गीतले दर्शक स्रोताको साथ पाउँछन् । कमै गीतले मात्र दर्शक स्रोताको मन जित्ने गर्छन् । झन सुन्दा कान र हेर्दा आँखालाई आनन्द दिने गीतहरु त निकै कम हुने गर्छन् ।
यसैबीच, कान र आँखालाई आनन्द दिने नयाँ गीत रिलिज भएको छ। आइतबार रिलिज “मनैमा शितलो” बोलको गीतले आँखा कान दुबैलाई आनन्द दिने गर्छ।
गीतमा पछिल्लो समयकी लोकप्रिय गायिका पुजा देवकोटा र गायक प्रविन भट्टको सुमधुर आवाज रहेको छ। प्रेमिला शब्दहरुले भरिएको गीतमा प्रशान्त पौडेलको शब्द अनि संगीत रहेको छ।
बजारमा आइरहेका गीतहरू भन्दा नितान्त फरक लाग्ने गीतको अडियो निकै मेलोडियस छ। अझ भन्नू पर्दा पृथक छ। गीतको शब्द अनि संगीत जति मेलोडियस छ, प्रविन र पुजाको गायिकी पनि त्यति नै मेलोडियस सुनिएको छ ।
कमै मात्रामा गीत गाउने प्रविनले गीतको गहिराइमा पुगेर गाएका छन् । जुन कुरा गीत सुन्दा आभाष हुने गर्छ। त्यस्तै पुजाले पनि उत्कृष्ट तरिकाले गाएको छिन् । प्रबिन र पुजाको गायिकी मिठास सुनिएको छ गीतमा। सुन्ने जोकोहीका कानलाई यस् गीतले आनन्द दिन्छ।
त्यसो त गीतको अडियो सुन्दा कानलाई जति आनन्द मिल्छ, त्यो भन्दा आनन्द भिडियो हेर्दा आँखालाई आउने गर्छ। किनकी गीतको अडियोसंगै भिडियो पनि निकै आकर्षक बनाइएको छ।
भिडियोमा लोकप्रिय कलाकार हरिश निरौला “कक्रोज” र पेरिशा कँडेल फिचर्ड छन् । सधैझै कक्रोजको आवरणमा म्युजिक भिडियोमा देखिँदै आएका हरिश यस् भिडियोमा भने अलि भिन्नै देखिएका छन् ।
कक्रोज नभएर वास्तविक हरिशकै भुमिकामा देखिएका छन् उनी। सायद यस्तो भुमिकामा हरिश पहिलोपटक फिचर्ड भएका हुन् । एउटा गाउंले युवको भुमिकामा हरिशलाई देख्न सकिन्छ भने गाउँले युवतीको भुमिकामा पेरिशालाई देख्न सकिन्छ भिडियोमा। हरिश र पेरिशाको जोडी गजब देखिएको छ।
युवा निर्देशक सागरबाबु भट्टको कथा र निर्देशन भिडियोमा रहेको छ। मौलिक गाउँले युवक र युवतीबीचको प्रेमकथालाई भिडियोमा उत्कृष्ट तरिकाले देखाइएको छ। भिडियो हेरिरहँदा साँच्चिकै भिडियोले गाउँको याद दिलाउँछ। गाउँको जंगल, घाँस दाउरा गर्ने जस्ता दृश्य भिडियोमा छन् ।
पोखरा र साराङकोटमा भिडियो खिचिएको हो। आकर्षक फ्रेममा अजय रेग्मीले भिडियो खिच्ने काम गरेका हुन् । भिडियोलाई यस् गीतका गायक प्रबिन भट्ट स्वयंले सम्पादन गरेका छन् ।
पोस्टर डिजाइन र कलर भने दिन्शन शाहले गरेका हुन् । गीतलाई रिलिज भएको छोटो समयमा राम्रो प्रतिक्रिया मिलेको छ। गीतको अडियो भिडियो दुबैलाई तारिफ गरिएको छ। त्यसो त, कक्रोजको भिन्नै लुक्सको पनि दर्शकले तारिफ गरेका छन् । भिडियो..
